കോതമംഗലം : കോതമംഗലം കെ എസ് ആർ ടി സി – ഹൈറേഞ്ച് ബസ്റ്റാൻഡ്- മിനി സിവിൽ സ്റ്റേഷൻ റോഡിന്റെ നവീകരണ പ്രവർത്തികൾ പൂർത്തീകരിച്ചു. എം എൽ എ ആസ്തി വികസന ഫണ്ട് 10 ലക്ഷം രൂപ ചിലവഴിച്ചുകൊണ്ടാണ് പ്രവർത്തികൾ പൂർത്തീകരിച്ചത്.ഏറെ കാലമായി തകർന്നിരുന്ന റോഡിന്റെ വശങ്ങളിലായി നിരവധി വ്യാപാരസ്ഥാപനങ്ങൾ പ്രവർത്തിക്കുന്നുണ്ട്.
150 മീറ്റർ നീളവും 11 മീറ്റർ വീതിയുമുള്ള പ്രസ്തുത റോഡ് ടാറിങ് പ്രവർത്തികളും തുടർച്ചയിൽ ഇരു സൈഡിലും ഐറിഷ് വർക്കും ഉൾപ്പെടെ ചെയ്തു കൊണ്ടാണ് നവീകരിച്ചിട്ടുള്ളത് . കോതമംഗലം പട്ടണത്തിലെ ഏറെ പ്രാധാന്യമുള്ള റോഡുകൂടിയാണിത്.
