പട്ടിമറ്റം:19 കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികള് പോലീസ് പിടിയില്. വെസ്റ്റ് ബംഗാള് മുര്ഷിദാബാദ് സ്വദേശികളായ റഫീഖുല് മൊല്ല (22), മുസ്തഫ മണ്ഡല് (30) എന്നിവരെയാണ് പട്ടിമറ്റം ചൂരക്കോട് ഭാഗത്തുനിന്ന് പെരുമ്പാവൂര് എഎസ്പി യുടെ പ്രത്യേക അന്വേഷണസംഘവും കുന്നത്തുനാട് പോലീസും ചേര്ന്ന് പിടികൂടിയത്. ജില്ലാ പോലീസ് മേധാവി കെ.എസ് സുദര്ശന് ലഭിച്ച രഹസ്യ വിവരത്തെ തുടര്ന്നായിരുന്നു പരിശോധന.
ഒഡീഷയില് നിന്ന് കിലോയ്ക്ക് 5000 രൂപ നിരക്കില് വാങ്ങുന്ന കഞ്ചാവ് 25000 രൂപയ്ക്കാണ് വില്പ്പന. ഒരു കിലോയുടെയും രണ്ട് കിലോയുടെയും പാക്കറ്റുകളില് ആക്കിയായിരുന്നു കച്ചവടം. മുറിയില് പ്രത്യേക അറ ഉണ്ടാക്കി അതിലായിരുന്നു കഞ്ചാവ് സൂക്ഷിച്ചിരുന്നത്. കഴിഞ്ഞവര്ഷം റഫീക്കുല് മൊല്ലയെ 24 കിലോ കഞ്ചാവുമായി നെടുമ്പാശ്ശേരിയില് പിടികൂടിയിരുന്നു.
പെരുമ്പാവൂര് എഎസ്പി ഹാര്ദിക് മീണ, ഇന്സ്പെക്ടര് ശിവലാല് എസ്ഐമാരായ എം.അഭിജിത്ത്, പി.എം മുഹമ്മദ്, അബൂബക്കര്, എഎസ്ഐ പി.എ അബ്ദുല് മനാഫ്, സീനിയര് സിപിഒ മാരായ ടി.എ അഫ്സല്, ബെന്നി ഐസക്ക്, റോബിന് ജോയി, സിപിഒ മാരായ ഒ.എസ്
ബിപിന് രാജ്, എബി ഗോപാലന്, ടോമി തോമസ്, ധന്യ മുരളി എന്നിവരാണ് അന്വേഷണ സംഘത്തില് ഉണ്ടായിരുന്നത്
