മൂവാറ്റുപുഴ: ഒമ്പത് മാസം ഗര്‍ഭിണിയായ സ്ത്രീയെ ആക്രമിച്ച കേസില്‍ അറസ്റ്റിലായ പ്രതികളെ റിമാന്‍ഡ് ചെയ്തു. ആരക്കുഴ മീങ്കുന്നം സ്വദേശികളാ പരുന്തുംമാക്കില്‍ കെന്‍സ് ജേക്കബ് (24) പത്രയില്‍ അരുണ്‍ മണി (24) ചിരവത്തടത്തില്‍ സോബിന്‍ (22) എന്നിവരെയാണ് മൂവാറ്റുപുഴ പോലീസ് ഇന്‍സ്‌പെക്ടര്‍ അനില്‍ ജോര്‍ജിന്റെ നേതൃത്വത്തിലുള്ള അന്വേഷണം സംഘം അറസ്റ്റ് ചെയ്തത്. 27 ന് രാത്രി 10.30ഓടെയാണ് കേസിനാസ്പതമായ സംഭവം.
പ്രതികള്‍ക്ക് യുവതിയുടെ ഭര്‍ത്താവിനോടുള്ള മുന്‍ വിരോധം നിമിത്തം മീങ്കുന്നം ഭാഗത്തുള്ള വീടിന് സമീപം വച്ച് പ്രതികള്‍ പരാതിക്കാരിയുടെ ഭര്‍ത്താവിനെ ഉപദ്രവിക്കുന്നത് കണ്ട് തടയാന്‍ ശ്രമിച്ച പരാതിക്കാരിയെ പ്രതികള്‍ ചേര്‍ന്ന് ആക്രമിക്കുകയായിരുന്നു. എസ്‌ഐ മാരായ എന്‍.എസ് റോയ്, ശ്രീനാഥ് എസ് , വി സി സജി, ഷിബു മാത്യു, സീനിയര്‍ സിവില്‍ പോലീസ് ഓഫീസര്‍മാരായ ആര്‍.ഒ അജിംസ്, സന്ദീപ് പ്രഭാകര്‍, ബിജി മാത്യു എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.
