കോതമംഗലം:കണ്ണൂർ അഞ്ചരക്കണ്ടി മെഡിക്കൽ വിദ്യാർഥി നിതിൻ രാജിന്റെ കൊലയാളികളെ അറസ്റ്റ് ചെയ്യുക, കുടുംബത്തിന് അർഹമായ നഷ്ടപരിഹാരം നൽകുക, ഉന്നത വിദ്യാഭ്യാസ രംഗത്തെ ജാതി പീഠനം അവസാനിപ്പിക്കുക, തുടങ്ങിയ ആവശ്യങ്ങൾ ഉന്നയിച്ച് ദളിത് സംയുക്ത സമരസമിതി ഇന്ന് (ചൊവ്വാഴ്ച്ച) നടത്തുന്ന സംസ്ഥാന വർത്താൽ വിജയിപ്പിക്കുമെന്ന്
ദളിത് സംയുക്ത സമര സമിതി കോതമംഗലം താലൂക്ക് സമിതി. അവശ്യ സർവീസുകളെ ഹർത്താലിൽ നിന്ന് ഒഴിവാക്കിയിട്ടുണ്ടെന്നും നിർബന്ധിച്ച് വ്യാപാര സ്ഥാപനങ്ങൾ അടപ്പിക്കുകയില്ലെന്നും വാഹന ഗതാഗതം തടസപ്പെടുത്തില്ലെന്നും നേതാക്കൾ പറഞ്ഞു.
രാവിലെ 10ന് നഗരസഭ ഓഫീസ് പരിസരത്ത് നിന്ന് ഗാന്ധി സ്വകയറിലേക്ക് ഹർത്താൽ ഐക്യദാർഢ്യ പ്രകടനവും യോഗവും നടത്തുമെന്ന് നേതാക്കൾ വാർത്ത സമ്മേളനത്തിൽ പറഞ്ഞു. ശശി കുഞ്ഞുമോൻ,കെ.സി. അയ്യപ്പൻ, പി.കെ. നാരായണൻ,എ.ടി. ലൈജു,കെ.കെ. ഹരികൃഷ്ണൻ എന്നിവർ പങ്കെടുത്തു.
