കോതമംഗലം: ചേലാടിന് സമീപം കള്ളാട ചെങ്ങമനാട്ട് സാറാമ്മ ഏലിയാസ് വീടിനുള്ളില് കൊല്ലപ്പെട്ടിട്ട് രണ്ടുവര്ഷം പിന്നിടുന്പോഴും ക്രൈംബ്രാഞ്ച് അന്വേഷണവും ഇരുട്ടില് തപ്പുന്നു.കഴുത്തറുത്താണ് 70കാരി സാറാമ്മ കൊല്ലപ്പെട്ടത്. ആഭരണങ്ങള് മോഷ്ടിക്കുകയായിരുന്നു ലക്ഷ്യമെന്നാണ് ഇതുവരെയുള്ള നിഗമനം. ലോക്കല് പോലീസാണ് ആദ്യം കേസന്വേഷിച്ചത്. സംശയനിഴലിലായ ചിലരെ ദിവസങ്ങളോളം കസ്റ്റഡിയില് വച്ച് ചോദ്യം ചെയ്തെങ്കിലും ആയിരക്കണക്കിന് മൊബൈല് ഫോണ് നമ്പരുകള് പരിശോധനയ്ക്ക് വിധേയമാക്കിയെങ്കിലും ഒരു തെളിവും ലഭിച്ചില്ല. മാസങ്ങളോളം നീണ്ട പോലീസ് അന്വേഷണം വഴിമുട്ടി. പിന്നീടാണ് കേസ് ക്രൈംബ്രാഞ്ച് ഏറ്റെടുത്തത്.
മാസങ്ങള് പലതുകഴിഞ്ഞെങ്കിലും അന്വേഷണത്തില് പുരോഗതിയുണ്ടാക്കാന് ക്രൈംബ്രാഞ്ചിനും കഴിഞ്ഞിട്ടില്ല. ഫയല് കൈവശം ഉണ്ടെന്നല്ലാതെ ക്രൈംബ്രാഞ്ചും നിസംഗതയിലാണ്. പട്ടാപ്പകല് കൊലപാതകം നടത്തിയ പ്രതി ഇപ്പോഴും കാണാമറയത്തുതന്നെ. അന്വേഷണത്തിന്റെ തുടക്കത്തില്തന്നെ സാറാമ്മയുടെ ബന്ധുക്കള് അന്വേഷണത്തില് അതൃപ്തി അറിയിച്ചിരുന്നു. സിബിഐക്ക് അന്വേഷണം വിടണമെന്നായിരുന്നു വീട്ടുകാരുടെ ആവശ്യം.
