പോത്താനിക്കാട്: പഞ്ചായത്തിൽ പുളിന്താനം പുതുവേലി കടവ് റോഡിന്റെ നവീകരണ പ്രവർത്തനങ്ങൾക്ക് തുടക്കമായി. മാത്യു കുഴൽനാടൻ എംഎൽഎ യുടെ ആസ്തി വികസന ഫണ്ടിൽ നിന്നും 5 ലക്ഷം രൂപ ചെലവഴിച്ചാണ് റോഡ് നവീകരിക്കുന്നത്. ജലജീവൻ പദ്ധതിയുടെ പൈപ്പ് ഇടുന്നതിനായി കുഴിയെടുത്തതിനാൽ റോഡ് സഞ്ചാരയോഗ്യമല്ലാത്ത നിലയിലായിരുന്നു.
തുടർന്ന് നാട്ടുകാർ എംഎൽഎക്ക് നൽകിയ നിവേദന തുടർന്നാണ് ഫണ്ട് അനുവദിച്ചത്. നിർമ്മാണ ഉദ്ഘാടനം മാത്യു കുഴൽനാടൻ എംഎൽഎ നിർവഹിച്ചു. പഞ്ചായത്ത് പ്രസിഡന്റ് കെ. പി. ജെയിംസ് അധ്യക്ഷത വഹിച്ചു. വൈസ് പ്രസിഡന്റ് ലൂസി സന്തോഷ്, വികസനകാര്യ സ്ഥിരം സമിതി അധ്യക്ഷൻ അനിൽ അബ്രഹാം, ഷീല റോയി, മേഴ്സി ബിജു, ജിജി മാത്യു, കെ.സി. പ്രദീപ്, അലൻഷ്യ റോബി, സീന സജി,മിനി സണ്ണി സന്തോഷ് ഐസക്, ജോസ് വർഗീസ്, എൻ. എം. ജോസഫ്, ഷാൻ മുഹമ്മദ്, സജി വർഗീസ്, ഷാജി സി. ജോൺ എന്നിവർ സംബന്ധിച്ചു.
