കോതമംഗലം: തരിശുകിടന്ന നിലം ഉള്പ്പെടെ കൃഷിയോഗ്യമാക്കി നൂറ് മേനി വിളവ് ലഭിച്ച കക്കാട്ടുര് പാടശേഖരത്തില് കൊയ്ത്തുത്സവം നടത്തി. ആന്റണി ജോണ് എംഎല്എ ഉദ്ഘാടനം നിര്വ്വഹിച്ചു. കൃഷി ഡിപ്പാര്ട്ട്മെന്റിന്റെയും കര്ഷകരുടെയും കൂട്ടായ്മയിലാണ് 9 ഹെക്ടറോളം വരുന്ന കക്കാട്ടൂര് പാടശേഖരത്ത് കൃഷി ഇറക്കിയത്.
യന്ത്രവല്ക്കരണം സാധ്യമാക്കിയാണ് കൃഷിപ്പണി നടത്തിയത്. സര്ക്കാര് നല്കിയ സബ്സിഡി കര്ഷര്ക്ക് വലിയ ആശ്വാസമായിരുന്നു. അവശേഷിക്കുന്ന തരിശ് ഭൂമിയും കൃഷിയോഗ്യമാക്കാന് എല്ലാവരും ഒന്നിക്കണമെന്ന് ആന്റണി ജോണ് പറഞ്ഞു.
സര്ക്കാരിന്റെ നയത്തിനെ ചേര്ത്ത്പിടച്ച കര്ഷകരേയും വാരപ്പെട്ടി കൃഷി ഓഫീസിലെ ജീവനക്കാരേയും എംഎല്എ അഭിനന്ദിച്ചു. കൃഷി ഓഫിസര് സൗമ്യ സണ്ണി, കൃഷി അസിസ്റ്റന്റ് സീജ ഇ.എസ്, കര്ഷകരായ എം.വി തോമസ്, എല്ദോസ് കൊയക്കാട്ട്, എം.പി എല്ദോസ്, എം.ജെ പൗലോച്ചന്, മനോജ് നാരായണന് എന്നിവര് പ്രസംഗിച്ചു.
