കോതമംഗലം:കോണ്ഗ്രസ് കോതമംഗലം – കവളങ്ങാട് ബ്ലോക്ക് കമ്മറ്റികളുടെ നേതൃത്വത്തില് കണ്വന്ഷന് സംഘടിപ്പിച്ചു. ഡിസിസി പ്രസിഡന്റ് മുഹമ്മദ് ഷിയാസ് ഉദ്ഘാടനം ചെയ്തു. കേന്ദ്ര – സംസ്ഥാന സര്ക്കാരുകള് അവതരിപ്പിച്ച ബജറ്റുകള് ജനദ്രോഹവും, നിരാശാജനകവുമാണെന്ന് മുഹമ്മദ് ഷിയാസ്.
സംസ്ഥാന സര്ക്കാരിന്റെ ജനദ്രോഹ നടപടികള്ക്കെതിരെ പ്രതിപക്ഷനേതാവ് നയിക്കുന്ന പ്രചണജാഥയ്ക്ക് 21 ന് വൈകിട്ട് നാലിന് കോതമംഗലത്ത് സ്വീകരണം നല്കാന് കണ്വന്ഷന് തീരുമാനിച്ചു. കോണ്ഗ്രസ് കോതമംഗലം ബ്ലോക്ക് പ്രസിഡന്റ് ഷെമീര് പനയ്ക്കല് അധ്യക്ഷതവഹിച്ചു.
കെപിസിസി സെക്രട്ടറി അഡ്വ. ഫില്സണ് മാത്യു മുഖ്യപ്രഭാഷണം നടത്തി. കവളങ്ങാട് ബ്ലോക്ക് പ്രസിഡന്റ് ബാബു ഏലിയാസ്, കെപിസിസി മെമ്പര് എ.ജി. ജോര്ജ്, കെ.പി. ബാബു, അബു മൊയ്തീന്, എം.എസ്. എല്ദോസ്, കെ.ഐ. ജേക്കബ്, ജോസഫ് ആന്റണി, പി.സി. ജോര്ജ് തുടങ്ങിയവര് പങ്കെടുത്തു.
