കോതമംഗലം :വാരപ്പെട്ടിയിൽ കാണാതായ യുവാവിന്റെ മൃതദേഹം കണ്ടെത്തി.അമ്പലംപടി -വാരപ്പെട്ടി റോഡിൽ നടുക്കുടി പാലത്തിനടിയിൽ ഇന്ന് രാവിലെയാണ് മൃതദേഹം കണ്ടത്.വെള്ളത്തിൽ കമഴ്ന്ന് കിടക്കുന്ന രീതിയിലാണ് മൃതദേഹം കിടന്നിരുന്നത്. ജീൻസും ടീ ഷർട്ടുമാണ് വേഷം. സ്ഥലത്തെത്തിയ പോലീസും ഫയർഫോഴ്സും ടിയാളുടെ ഫോൺ സിം പരിശോധനയിലാണ് അറായ്ക്കൽ വീട്ടിൽ അജേഷ് രാജൻ (29) എന്നയാളാണെന്ന് തിരിച്ചറിഞ്ഞത്. ടിയാളെ 16/8/25 തീയതിയിൽ കാണാതായതിനെ തുടർന്ന് വീട്ടുകാർ കോതമംഗലം പോലീസ് സ്റ്റേഷനിൽ പരാതി നൽകിയിരുന്നു. യുവാവിനെ കണ്ടെത്തുന്നതിനായുള്ള അന്വേഷണം പോലീസ് തുടരുന്നതിനിടയിലാണ് ഇന്ന് രാവിലെ മൃതദേഹം കണ്ടെത്തിയത് . ഇൻക്യുസ്റ്റ് നടപടികൾ പൂർത്തീകരിച്ച് പോസ്റ്റ്മോർട്ടത്തിനുശേഷം ബോഡി ബന്ധുക്കൾക്ക് വിട്ടു നൽകും.ആന്റണി ജോൺ എം എൽ എ രാവിലെ മുതൽ പ്രദേശത്ത് ക്യാമ്പ് ചെയ്ത് നടപടികൾക്ക് നേതൃത്വം നൽകി.
