പിണ്ടിമന: കേരള വിദ്യാർത്ഥി കോൺഗ്രസ്സ് (എം) എറണാകുളം ജില്ല കമ്മിറ്റിയുടെ നേതൃത്വത്തിൽ പിണ്ടിമന പഞ്ചായത്തിലെ വേട്ടാമ്പാറ ജോസഫൈൻ എൽ.പി സ്കൂളിൽ പഠനോപകരണ വിതരണം നടത്തി. വിദ്യാർത്ഥികൾ മൊബൈൽ ഫോൺ ഉപയോഗം നിർത്തി പുസ്തക വായനയിലേയ്ക്ക് കടന്ന് വരണമെന്ന് പഠനോപകരണ വിതരണം ഉദ്ഘാടനം നിർവ്വഹിച്ച് കൊണ്ട് സംസ്ഥാന യുവജനക്ഷേമ ബോർഡ് അംഗം അഡ്വ.റോണി മാത്യു പറഞ്ഞു.
പണ്ട് ഇല്ലായ്മകളുടെയും വല്ലായ്മകളുടെയും മദ്ധ്യേ കല്ല് പെൻസിൽ ഒടിച്ചു പങ്കുവെച്ച് പഠിച്ച പഠന കാലത്തെ വിദ്യാർത്ഥികൾ തമ്മിൽ ഉണ്ടായിരുന്ന സഹോദര്യത്തിൻ്റെയും പരസ്പര സ്നേഹത്തിൻ്റെയും സഹകരണത്തിൻ്റെയും പ്രാധാന്യവും ഇന്നിൻ്റെ ആവശ്യകതയും ജോസഫൈൻ എൽ.പി സ്കൂൾ മാനേജർ Fr. ജോഷി നിരപ്പേൽ സി.എം.എഫ് ആമുഖ പ്രസംഗത്തിൽ പറഞ്ഞു മുഖ്യ അതിഥി പിണ്ടിമന ബ്ലോക്ക് പഞ്ചായത്ത് മെമ്പർ ലിസ്സി ജോസഫ് വിദ്യാർത്ഥികൾ പഠനത്തിൽ മികവ് പുലർത്തുന്നവരായി മാറണം എന്ന് ആശംസകൾ അർപ്പിച്ചുകൊണ്ട് പറഞ്ഞു. വിദ്യാർത്ഥി കോൺഗ്രസ്സ് (എം) ജില്ല പ്രസിഡൻ്റ് ശ്രീ. ബിനിൽ യൽദോ ആലക്കര അധ്യക്ഷത വഹിച്ചു. അധ്യാപകനായ ശ്രീ. മാർവിൻ യോഗത്തിന് സ്വാഗതം പറയുകയും
പ്രധാനാധ്യാപിക ശ്രീമതി. റീന ജോർജ് നന്ദി പ്രകാശിപ്പിക്കുകയും ചെയ്തു
പി.റ്റി.എ പ്രസിഡൻ്റ് ശ്രീ. ശശി ഇ.കെ സാമൂഹിക പ്രവർത്തകൻ ശ്രീ ജോസഫ് ആൻ്റണി എന്നിവർ സന്നിഹിതരായിരുന്നു.
