കോതമംഗലം : കേരള ഹോട്ടൽ ആൻഡ് റെസ്റ്റോറന്റ് അസോസിയേഷൻ കോതമംഗലം യൂണിറ്റിന്റെ ആഭിമുഖ്യത്തിൽ വിവിധ ചാരിറ്റി പ്രവർത്തനങ്ങളും ,കുട്ടികൾക്കുള്ള അനുമോദനങ്ങളും ,ആദരവും സംഘടിപ്പിച്ചു. കുത്തുകുഴി സർവീസ് സഹകരണ ബാങ്ക് ഓഡിറ്റോറത്തിൽ നടന്ന പരിപാടി ആന്റണി ജോൺ എം എൽ എ ഉദ്ഘാടനം ചെയ്തു. കെ എച്ച് ആർ എ സുരക്ഷ പദ്ധതി അംഗമായിരിക്കെ മരണമടഞ്ഞ കുര്യാക്കോസിന്റെ കുടുംബത്തിന് പത്ത് ലക്ഷം രൂപ കൈമാറി.മുന്നൂറ്റി അമ്പത് പേർക്ക് കമ്പിളി പുതപ്പുകളും,കോതമംഗലം താലൂക്ക് ആശുപത്രി പാലിയേറ്റീവിലേക്ക് മരുന്നുകൾ,കനിവ് പാലിയേറ്റീവ് സെന്ററിലേക്കുള്ള രോഗി സഹായ ഉപകരണങ്ങൾ,അർഹരായിട്ടുള്ളവർക്കു സാമ്പത്തിക സഹായങ്ങൾ എന്നിവ വിതരണം നടന്നു. മികച്ച ഡിഗ്രി,പ്ലസ് ടൂ,എസ് എസ് എൽ സി കുട്ടികളെ അനുമോദിച്ചു. താലൂക്ക് ആശുപത്രി സൂപ്രണ്ട് ഡോ സാംപോൾ അവർകൾക്ക് മികച്ച സേവന പുരസ്കാരം നൽകി ആദരിച്ചു.
വേമ്പനാട്ട് കായൽ നീന്തി കടന്ന കൊച്ചു മിടുക്കൻ ആദിത്യൻ സുരേന്ദ്രനെ അനുമോദിച്ചു. ചടങ്ങിൽ വി ടി ഹരിഹരൻ അധ്യക്ഷത വഹിച്ച യോഗത്തിൽ സംഘടന സംസ്ഥാന പ്രസിഡന്റ് ജി ജയപാൽ മുഖ്യ പ്രഭാഷണം നടത്തി.മുനിസിപ്പൽ ചെയർമാൻ കെ കെ ടോമി,മുനിസിപ്പൽ പ്രതിപക്ഷ നേതാവ് എ ജി ജോർജ്, എഫ് ഐ ടി ചെയർമാൻ ആർ അനിൽകുമാർ,ബിജെപി ജില്ലാ പ്രസിഡന്റ് പി പി സജീവ്,കെ എച്ച് ആർ എ ജില്ലാ പ്രസിഡന്റ് ടി ജെ മനോഹരൻ,സെക്രട്ടറി കെ ടി റഹിം, മുനിസിപ്പൽ സ്റ്റാന്റിംഗ് കമ്മിറ്റി അംഗങ്ങളായ കെ വി തോമസ്,കെ എ നൗഷാദ്,ജോസ് വർഗ്ഗീസ് കൗൺസിലർമാരായ പി ആർ ഉണ്ണികൃഷ്ണൻ ,ഭാനുമതി രാജു, ഷിബു കുര്യാക്കോസ്,നിഷാ ഡേവിസ്, വിദ്യാ പ്രസന്നൻ ബാങ്ക് പ്രസിഡന്റ് കെ കെ വർഗ്ഗീസ്,എസ് ആർ എ പ്രസിഡന്റ് ബേബിച്ചൻ നിധിയിരിക്കൽ,ജില്ലാ ഭാരവാഹികളായ കെ പാർത്ഥസാരഥി,സി കെ അനിൽ,ബൈജു പി ഡേവിസ് അബ്ദുൾ കരീം തുടങ്ങിയവർ സംസാരിച്ചു. യോഗത്തിൽ യൂണിറ്റ് പ്രസിഡന്റ് ബെന്നി സി ജെ സ്വാഗതവും ,ആശാ ലില്ലി തോമസ് നന്ദിയും പറഞ്ഞു.
