കോട്ടപ്പടി : ജില്ലാ എംപ്ലോയ്മെൻറ് എക്സ്ചേഞ്ചും,എറണാകുളം എംപ്ലോയബിലിറ്റി സെൻററും ചേർന്ന് കോട്ടപ്പടി മാർ ഏലിയാസ് കോളേജിന്റെ സഹകരണത്തോടെ ഉദ്യോഗ് 25 എന്ന പേരിൽ മെഗാ തൊഴിൽമേള സംഘടിപ്പിച്ചു. കോളേജ് ഓഡിറ്റോറിയത്തിൽ ബഹുമാനപ്പെട്ട കോതമംഗലം എംഎൽഎ ആന്റണി ജോൺ തൊഴിൽമേള ഉദ്ഘാടനം ചെയ്തു. കോട്ടപ്പടി കൽക്കുന്നേൽ മോർ ഗീവർഗീസ് സഹദാ പള്ളി വികാരി ഫാദർ ജോസ് പരത്തുവയലിൽ അധ്യക്ഷത വഹിച്ചു .കോളേജ് മാനേജർ ശ്രീ .സുനിൽ ജോസഫ് സ്വാഗതം ആശംസിച്ചു.
കോട്ടപ്പടി ഗ്രാമപഞ്ചായത്ത് പ്രസിഡണ്ട് ശ്രീമതി മിനി ഗോപി മുഖ്യപ്രഭാഷണം നടത്തി .കോളേജ് പ്രിൻസിപ്പൽ ഡോ.ജോസഫ് ടി മൂലയിൽ ,എംപ്ലോയ്മെൻറ് എക്സ്ചേഞ്ച് ഓഫീസർ ശ്രീ സനോജ് K S,കോട്ടപ്പടി കൽക്കുന്നേൽ മാർ ഗീവർഗീസ് സഹദാ പള്ളി ട്രസ്റ്റി ശ്രീ. സി എം ജോർജ് എന്നിവർ ആശംസകൾ നേർന്നുകൊണ്ട് സംസാരിച്ചു .പ്ലേസ്മെന്റ് ഓഫീസർ സുമി എസ് നായർ നന്ദി രേഖപ്പെടുത്തി . 500ലേറെ തൊഴിലവസരങ്ങളുമായി നാല്പതോളം തൊഴിൽ ദാതാക്കളാണ് മേളയിൽ എത്തിച്ചേർന്നത് .800 ഓളം ഉദ്യോഗാർത്ഥികൾ മേളയിൽ പങ്കെടുത്തു .
