കോതമംഗലം : കോതമംഗലം താലൂക്ക് ആശുപത്രിയിലെ ഡെന്റൽ ക്ലിനിക്കില്‍ പുതിയ ഡെന്റൽ ചെയറും അനുബന്ധ ഉപകരണങ്ങളും സ്ഥാപിച്ചു നവീകരിച്ചു. കൊച്ചി ആസ്ഥാനമായി പ്രവര്‍ത്തിക്കുന്ന കോണ്‍ഫിഡന്റ്‌ ഗ്രൂപ്പാണ്‌ 2 ലക്ഷം രൂപ ചെലവിൽ ഇവ നൽകിയത്‌.
നവീകരിച്ച ഡെന്റല്‍ ക്ലിനിക്കിന്റെ ഉദ്ഘാടനം ആന്റണി ജോൺ എം എൽ എ നിര്‍വഹിച്ചു. കോതമംഗലം മുനിസിപ്പല്‍ ചെയര്‍മാന്‍ ടോമി എബ്രഹാം അദ്ധ്യക്ഷത വഹിച്ച ചടങ്ങില്‍ വൈസ്‌ ചെയര്‍ പേഴ്സൺ സിന്ധു ഗണേശന്‍, ആരോഗ്യകാര്യ സ്റ്റാന്‍ഡിംഗ്‌ കമ്മിറ്റി ചെയര്‍മാന്‍ കെ വി തോമസ്‌,വികസനകാര്യ സ്റ്റാന്‍ഡിംഗ്‌ കമ്മിറ്റി ചെയര്‍മാന്‍ കെ എ നൗഷാദ് ,കോണ്‍ഫിഡന്റ്‌ ഗ്രൂപ്പ്‌ ഏരിയ ജനറൽ മാനേജര്‍മാരായ പ്രേംകുമാർ യു, ജിസ് പീറ്റർ,ലൈസന്‍ ഓഫീസര്‍ ജിൻസ്‌ മത്തായി, ആശുപത്രി സൂപ്രണ്ട്‌ ഡോ .സാം പോൾ എന്നിവര്‍ സംസാരിച്ചു. രണ്ടു ഡെന്റൽ ചെയറുകൾ പ്രവര്‍ത്തനക്ഷമമാകുന്നതോടെ ദന്ത ചികിത്സയ്ക്കൊപ്പം തന്നെ പല്ല് ക്ലീനിങ് ,കൃത്രിമ പല്ല് വെക്കൽ,പല്ല് സെറ്റ്‌ വെക്കൽ എന്നിവ ഒരേ സമയം ചെയ്യാന്‍ കഴിയുമെന്ന് ഡെന്റൽ വിഭാഗം ഡോ.ശ്രീദിതി അറിയിച്ചു.
