കോതമംഗലം: വൈസ്‌മെന്‍ ഇന്റര്‍നാഷണല്‍ മിഡ് വെസ്റ്റ് ഇന്ത്യ റീജണ്‍ ഡിസ്ട്രിക് ഏഴിന്റെ കീഴില്‍ പുതിയതായി ആരംഭിക്കുന്ന 12 ക്ലബുകളില്‍ കോതമംഗലം കേന്ദ്രീകരിച്ചുള്ള അഞ്ച് ക്ലബുകളുടെ ഉദ്ഘാടനം കോതമംഗലം പിഡബ്ല്യുഡി റസ്റ്റ് ഹൗസില്‍ റീജണല്‍ ഡയറക്ടര്‍ സുനില്‍ ജോണ്‍ നിര്‍വഹിച്ചു. ഡിസ്ട്രിക് ഗവര്‍ണര്‍ ലൈജു ഫിലിപ്പ് അധ്യക്ഷത വഹിച്ചു. ലെഫ്‌റ്റേണ്‍ റീജണല്‍ ഡയറക്ടര്‍ ടോമി ചെറുകാട്ട് പുതിയ അംഗങ്ങളുടെ പ്രതിഷ്ഠാകര്‍മങ്ങള്‍ക്ക് നേതൃത്വം നല്‍കി. വിവിധ ക്ലബുകളുടെ സ്ഥാനാരോഹണം ഡിസ്ട്രിക് ഗവര്‍ണര്‍ ലൈജു ഫിലിപ്പ് നിര്‍വഹിച്ചു.
കോതമംഗലം അര്‍ബന്‍ ക്ലബ് പ്രസിഡന്റ് സുബിന്‍ തോമസ്, ഇഞ്ചൂര്‍ ക്ലബ് പ്രസിഡന്റ് സജിത്ത് ടോം, കുട്ടന്പുഴ ക്ലബ് പ്രസിഡന്റ് എബിന്‍ മംഗലത്ത്, ബോട്‌സ്വാന ക്ലബ് പ്രസിഡന്റ് സെബി ജോണ്‍, ഗുവാത്തി ക്ലബ് പ്രസിഡന്റ് അഖില്‍ ആന്റണി എന്നിവരുടെ നേതൃത്വത്തില്‍ ഭരണസമിതി ചുമതലയേറ്റു. ചാര്‍ട്ടര്‍ സര്‍ട്ടിഫിക്കറ്റുകള്‍ പ്രഫ. എം.കെ. ബാബു വിതരണം ചെയ്തു.
ബാബു ജോര്‍ജ്, പ്രഫ. ജേക്കബ് ഏബ്രഹാം, ബേബിച്ചന്‍ നിധീരിക്കല്‍, മില്‍സണ്‍ ജോര്‍ജ്, ബിനോയി പോള്‍, വര്‍ഗീസ് പീറ്റര്‍, ബേസില്‍ മാത്യു, ജി. രാജു, രാജീ രാജു, സിന്ധു അജീഷ്, ജോബി പൗലോസ്, സോളി ഷാജി, എല്‍ദോസ് കൊച്ചുപറന്പില്‍, ജോര്‍ജ് എടപ്പാറ, ഡോ. ബിജു മാത്യു എന്നിവര്‍ പ്രസംഗിച്ചു.
