കോതമംഗലം: നെല്ലിമറ്റം എംബിറ്റ്‌സ് എൻജിനീയറിങ് കോളജിൽ പഠിച്ച 7 വിദ്യാർത്ഥികൾ മുഖ്യമന്ത്രിയുടെ പ്രതിഭാ പുരസ്‌കാരത്തിന് അർഹരായി. 2021- 22 അധ്യയന വർഷം കോളജിൽ നിന്നും സിവിൽ എൻജിനീയറിങ്ങിൽ പഠനം പൂർത്തിയാക്കിയ ഹിമ മേരി സാജു, ജ്യോതിക ശശി മെക്കാനിക്കൽ എൻജിനീയറിങ്ങിൽ പഠനം പൂർത്തിയാക്കിയ അനന്തു നടരാജൻ, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ്ങിൽ പഠനം പൂർത്തിയാക്കിയ സ്റ്റെല്ലമോൾ സാബു, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്ങിൽ പഠനം പൂർത്തിയാക്കിയ ദേവകി ജയൻ, ജോവാനാ ബിജു , അഞ്ജന ബിജു എന്നിവർക്കാണ് ഒരു ലക്ഷം രൂപ വീതമുള്ള പുരസ്‌കാരത്തിന് അർഹരായത്.
കേരളത്തിലെ സർവ്വകലാശാലകളിലെ കോളേജുകളിൽ വിവിധ പഠനവിഷയങ്ങളിൽ ഏറ്റവും ഉയർന്ന മാർക്കോടെ 2021-22 അധ്യയന വർഷം ബിരുദ പഠനം പൂർത്തിയാക്കിയ രണ്ടര ലക്ഷം രൂപ വരെ വാർഷിക കുടുംബ വരുമാനമുള്ളവർക്കാണ് പ്രതിഭാ പുരസ്കാരം സമ്മാനിക്കുന്നത്.
