നിയന്ത്രണം വിട്ട് ഓട്ടോറിക്ഷയിലിടിച്ചകാർ താഴ്ചയിലേക്ക് മറിഞ്ഞു

കോതമംഗലം: നിയന്ത്രണം വിട്ട് ഓട്ടോറിക്ഷയിലിടിച്ചകാർ താഴ്ചയിലേക്ക് മറിഞ്ഞു. കോതമംഗലത്ത് തങ്കളം-കോഴിപ്പിള്ളി ബൈപ്പാസില്‍ ഇന്നലെ (വെള്ളിയാഴ്ച) വൈകുന്നേരമാണ് അപകടം നടന്നത്.തങ്കളംഭാഗത്തേക്ക് പോകുകയായിരുന്ന കാറാണ് കുരൂര്‍തോടിന് സമീപം താഴ്ചയിലേക്ക് മറിഞ്ഞത്.പാലത്തിന്റെ കൈവരിയുടെ ഭാഗം തകര്‍ന്നിട്ടുണ്ട്.മറിയുന്നതിന് മുമ്പ് എതിരെവന്ന ഒരു ഓട്ടോറിക്ഷയിലും തട്ടിയിരുന്നു.ഓട്ടോഡ്രൈവര്‍ക്ക് നിസാരപരിക്കേറ്റു.ഓടക്കാലി സ്വദേശിയായ അധ്യാപകനുള്‍പ്പടെ കാറിലുണ്ടായിരുന്നവര്‍ രണ്ടുപേരും പരിക്കില്ലാതെ രക്ഷപ്പെട്ടു.