കോതമംഗലം: ബ്ലോക്ക് പഞ്ചായത്തിൽ വനിത ശിശു വികസന വകുപ്പ് കോതമംഗലം ഐസിഡിഎസ് അഡീഷണൽ പ്രോജ്ക്ടിൻ്റെ ആഭിമുഖ്യത്തിൽ പോഷകാഹാര പോഷൻപാടികളുടെ പ്രദർശനവും മെഡിക്കൽ ക്യാമ്പും നടത്തി.
ബ്ലോക്ക് പഞ്ചായത്ത് പ്രസിഡൻ്റ് പി.എ.എം ബഷീർ ഉദ്ഘാടനം ചെയ്തു. പോഷക ആഹാര കുറവ് മൂലം വളർച്ച കുറവുള്ള കുട്ടികളെ കണ്ടെത്തുകയും അവർക്ക് ആവശ്യമായ പോഷകങ്ങൾ നൽകി ആരോഗ്യമുള്ള തലമുറ യാണ് ലക്ഷ്യം. എൻ.എച്ച്.എം ഡോ.ഷിജു മെഡിക്കൽ ക്യാമ്പിന് നേതൃത്വം നൽകി.പോഷകാഹാര റെസിപി യുടെ പ്രകാശനവും നിർവ്വഹിച്ചു. ഐസിഡിഎസ് – ൻ്റെ നേതൃത്വത്തിൽ എല്ലാ അങ്കണവാടികളിൽ നിന്നും തയ്യാറാക്കിയ വ്യത്യസ്ത തരം പോഷക ആഹാര സാധനങ്ങ ളുടെ പ്രദർശനവും സംഘടിപ്പിച്ചിരുന്നു. ബ്ലോക്ക് പഞ്ചായത്ത് വൈസ് പ്രസിഡൻ്റ് ആനിസ് ഫ്രാൻസിസ് അധ്യക്ഷത വഹിച്ചു. കീരംപാറ പഞ്ചായത്ത് പ്രസിഡൻ്റ് മാമച്ചൻ ജോസഫ്, വൈസ് പ്രസിഡൻ്റ് ബീന റോജോ, ബ്ലോക്ക് സ്ഥിരം സമിതി ചെയർമാൻ മാരായ ജോമി തെക്കേക്കര, ജയിംസ് കോറമ്പേൽ,ബ്ലോക്ക് പഞ്ചായത്ത് അംഗങ്ങളായ നിസ മോൾ ഇസ്മായിൽ, ടി.കെ.കുഞ്ഞുമോൻ, സി.ഡി.പി.ഒ ജിഷ ജോസഫ്, സൂപ്പർവൈസർ കെ.എച്ച് ഹസീന, സ്വപ്ന സോണി എന്നിവർ പ്രസംഗിച്ചു.
