കോതമംഗലം :- പരീക്കണ്ണിപ്പുഴയിൽ വാളാച്ചിറ ഭാഗത്ത് ഇന്ന് രാവിലെ സ്ത്രീയുടെ മൃതദേഹം കണ്ടെത്തി. പ്രദേശവാസികളാണ് പുഴയിൽ സ്ത്രീയുടെ മൃതദേഹം ആദ്യം കണ്ടത്. ഉടനെ ഊന്നുകൽ പോലീസിൽ വിവരമറിയിച്ചു. പുഴയിൽ മരിച്ച നിലയിൽ കണ്ടെത്തിയ ആളെ തിരിച്ചറിഞ്ഞു. പല്ലാരിമംഗലം വെള്ളാരമറ്റം പാലത്തിനു സമീപം വെട്ടിയാംകുന്നേൽ (മുൻപ് അടിവാട് താമസിച്ചിരുന്ന) സിദ്ധീഖിന്റെ ഭാര്യ റഹ്മത്ത് (35)ആണ് മരണപ്പെട്ടത്. അപസ്മാര രോഗിയാണ് റഹ്മത്ത്. എങ്ങനെയാണ് മരണം സംഭവിച്ചതെന്ന് പോലീസ് അന്വേഷണം നടത്തി വരികയാണ്. കൂടുതൽ വിവരങ്ങൾ ലഭ്യമായിട്ടില്ല. ഊന്നുകൽ പോലീസ് മേൽനടപടികൾ സ്വീകരിച്ചു.
