ഷിബു വർക്കിയുടെ തെരഞ്ഞെടുപ്പ് കൺവെൻഷൻ നടന്നു.

വാരപ്പെട്ടി: വാരപ്പെട്ടി ഗ്രാമ പഞ്ചായത്ത് വാർഡ് 6 മൈലൂർ ഉപതെരഞ്ഞെടുപ്പിൽ എൽ ഡി എഫ് സ്ഥാനാർത്ഥി ഷിബു വർക്കിയുടെ തെരഞ്ഞെടുപ്പ് കൺവെൻഷൻ നടന്നു. സിപിഐ എം ജില്ലാ സെക്രട്ടറിയറ്റ് അംഗം ആർ അനിൽ കുമാർ ഉത്ഘാടനം ചെയ്തു. മത നിരപേക്ഷ ജനാധിപത്യ മൂല്യങ്ങൾക്ക് വേണ്ടി എൽ ഡി എഫിനെ വിജയിപ്പിക്കണമെന്ന് അദ്ദേഹം അഭ്യർത്ഥിച്ചു. കേരളത്തിന്റെ വികസന കാഴ്ചപ്പാടിനൊപ്പം മുന്നേറാൻ യു ഡി എഫ് പഞ്ചായത്ത് ഭരണസമിതിയ്ക്ക് കഴിഞ്ഞിട്ടില്ല. എൽ ഡി എഫിന്റെ മതേതര മനസിനെ ഉയർത്തിപ്പിടിക്കുന്നതാണ് എൽ ഡി എഫ് സ്ഥാനാർത്വമെന്ന് അനിൽകുമാർ പറഞ്ഞു.

സി.പി.ഐ എം ഏരിയാ സെക്രട്ടറി ഷാജി മുഹമ്മദ്, ആന്റണി ജോൺ എം എൽ എ, മനോജ് നാരായണൻ. സ്ഥാനാർത്ഥി ഷിബു വർക്കി, നിർമ്മല മോഹനൻ , എം എം ബക്കർ . ഒ ഇ അബ്ബാസ്, തുടങ്ങിയവർ സംസാരിച്ചു. ഉമൈബ നാസർ, അധ്യക്ഷത വഹിച്ചു. സി എം മിരാൻ കുഞ്ഞ് സ്വാഗതവും വി കെ റെജി നന്ദിയും പറഞ്ഞു. തുടർന്ന് മൈലൂർ കവലയിൽ തെരഞ്ഞെടുപ്പ് കമ്മിറ്റി ഓഫീസ് ആർ അനിൽ കുമാർ ഉത്ഘാടനം ചെയ്തു.