കോതമംഗലം : ജോലി ചെയ്യുവാൻ എത്തിയ പിണ്ടിമന ഗ്രാമപഞ്ചായത്തിലെ സെക്രട്ടറി മനോജ് കുമാറിനെ കൃത്യനിർവഹണം നടത്താൻ സമ്മതിക്കാതെ പണിമുടക്ക് അനുകൂലികളായ സി പി എം പ്രവർത്തകർ ക്രൂരമായി മർദ്ധിക്കുകയും മുറിയിൽ പൂട്ടിയിട്ടുകയും ചെയ്തു. പിന്നീട് സിപിഎം ലോക്കൽ സെക്രട്ടറി ബിജു പി നായരുടെ നേതൃത്വത്തിൽ വലിയൊരു പ്രകടനമായി വന്ന് സിപിഎം പ്രവർത്തകർ പഞ്ചായത്ത് സെക്രട്ടറിയെവീണ്ടും ക്രൂരമായി മർദ്ദിക്കുകയായിരുന്നെന്നും കഴുത്തിനു പിടിച്ചു പഞ്ചായത്ത് ഓഫീസിന് പുറത്തേക്ക് തള്ളുകയും, മൂക്കിന് ഇടിച്ച് സാരമായ പരിക്കേൽപ്പിക്കുകയും ചെയ്തു. കരമൊടുക്കാനെത്തിയ ആളുകളെയും, അക്രമം തടയാനെത്തിയ പോലീസ് ഉദ്യോഗസ്ഥനും പരിക്കേറ്റിട്ടുണ്ട്.
വിവരമറിഞ്ഞ് പ്രതിഷേധം നടത്തിയ ബിജെപി പ്രവർത്തകരെയും സിപിഎം ഗുണ്ടാ സംഘം ആക്രമിച്ചു പരിക്കേൽപ്പിച്ചു. അധികാരത്തിന്റെ തണലിൽ സിപിഎം കേരളത്തിൽ നടത്തുന്ന ആക്രമണങ്ങളുടെ ഭാഗമായിട്ടാണ് പിണ്ടിമനയിലും ഈ അക്രമം അരങ്ങേറിയത്. സി പി എം ലോക്കൽ സെക്രട്ടറി ബിജു പി നായരുടെ നേതൃത്വത്തിൽ നടത്തിയ ഈ കിരാത ആക്രമത്തെ ബിജെപി കോതമംഗലം മണ്ഡലം സമിതി ശക്തമായി അപലപിച്ചു. സി പി എം അക്രമം ഒരിക്കലും അനുവദിക്കാൻ സാധിക്കുകയില്ല എന്നും സിപിഎം അക്രമം കൈ വെടിയണമെന്നും, അല്ലാത്തപക്ഷം ബിജെപി ഇതിനെ ജനാധിപത്യരീതിയിൽ നേരിടുമെന്നും ബിജെപി മണ്ഡലം പ്രസിഡന്റ് ജയകുമാർ വെട്ടിക്കാടൻ പറഞ്ഞു.
യോഗത്തിൽ ജില്ലാ സെക്രട്ടറി ഇ ടി നാരാജൻ, ജില്ലാ കമ്മറ്റിയംഗങ്ങളായ കെ ആർ രഞ്ജിത്ത്, എം എ സുരേന്ദ്രൻ, വൈസ് പ്രസിഡന്റ്മാരായ രാമചന്ദ്രൻ അമ്പാട്ട് ,പി ആർ ഉണ്ണികൃഷ്ണൻ, സജീവ് മലയിൻകീഴ്, ശോഭാ രാധാകൃഷ്ണൻ ജനറൽ സെക്രട്ടറി ഇ കെ അജിത്ത്കുമാർ സെക്രട്ടറിമാരായ അനിൽ ഞാളുമഠം അനീഷാ ബിജു പ്രവീണാ വിനോദ് കെ കെ സുചീന്ദ്രൻ ട്രഷറർ സന്ധ്യ സുനിൽ എന്നിവർ സംസാരിച്ചു.
