കോതമംഗലം : തൃക്കാരിയൂർ ദേവസ്വം ബോർഡ് ഹൈസ്കൂൾ എസ്എസ്എൽസി വിദ്യാർഥികൾക്കായി സായാഹ്ന ക്ലാസുകൾ ആരംഭിച്ചിരിക്കുന്നു. കോവിഡ് പ്രതിസന്ധികൾ തരണം ചെയ്തു കൊണ്ട് എസ്എസ്എൽസി പരീക്ഷയിൽ ഉന്നത വിജയം കരസ്ഥമാക്കുവാൻ വിദ്യാർഥികളെ തയ്യാറാക്കുന്നതിന്റെ മുന്നോടിയായി സ്കൂളിലെ അധ്യാപകരുടെയും പിടിഎ യുടെയും നേതൃത്വത്തിൽ സായാഹ്ന ക്ലാസ് ആരംഭിച്ചു.
വാർഡ് മെമ്പർ ശ്രീമതി ശോഭാ രാധാകൃഷ്ണൻ ഉദ്ഘാടനം ചെയ്ത പരിപാടിയിൽ പിടിഎ പ്രസിഡന്റ് Adv രാജേഷ് രാജൻ അധ്യക്ഷസ്ഥാനം വഹിക്കുകയും ചെയ്തു. സ്കൂൾ HM CS രാജലക്ഷ്മി ,സ്റ്റാഫ് സെക്രട്ടറി N S സുമേഷ് കൃഷ്ണൻ, പിടിഎ കമ്മിറ്റി അംഗം സുരേഷ് ,മറ്റ് രക്ഷിതാക്കൾ കുട്ടികൾക്ക് ആശംസകൾ നേർന്നു. അധ്യാപകരായ ഹേമ ജി കർത്ത,ഗ്രീഷ്മ,ശില്പ , ശാന്തിനി,ഗീതു,ദൃശ്യ എന്നിവർ കുട്ടികൾക്ക് നിർദ്ദേശങ്ങൾ നൽകുകയും ചെയ്തു.
