കോതമംഗലം: കുത്തുകുഴിക്ക് സമീപം അയ്യൻകാവിൽ ബസിടിച്ച് ഒരാൾക്ക് പരിക്ക്. വ്യാഴാഴ്ച്ച രാവിലെയാണ് അപകടം സംഭവിച്ചത്. നേര്യമംഗലത്തു നിന്ന് കോതമംഗലത്തേക്ക് വരികയായിരുന്ന ബസ് ആക്രി സാധനങ്ങളുമായി പോകുന്ന ഉന്തുവണ്ടിയിൽ ഇടിക്കുകയായിരുന്നു. ഉന്തുവണ്ടിയുമായി പോയ ആൾക്ക് കാലിനും കൈക്കുമാണ് പരിക്കേറ്റത്. പരിക്കേറ്റയാളെ നാട്ടുകാർ വാഹനത്തിൽ ക്കയറ്റി ആശുപത്രിയിൽ എത്തിച്ചു.
ഈ ഭാഗത്ത് വാഹനാപകടങ്ങൾ വർദ്ധിച്ചുവരികയാണ്. കഴിഞ്ഞ ദിവസം ഇന്നോവ കാർ മരത്തിലിടിച്ച് രണ്ട് പേർ മരിക്കുകയും ആറ് പേർക്ക് പരിക്കേൽക്കുകയും ചെയ്തിരുന്നു.
