കോതമംഗലം: കോതമംഗലത്ത് ഇന്നലെ രാത്രി നടന്ന വാഹനാപകടത്തിൽ ഗുരുതരമായി പരിക്കേറ്റ നേര്യമംഗലം സ്വദേശിയായ യുവാവ് മരിച്ചു. മിനി ലോറിയും ബൈക്കും കൂട്ടിയിടിച്ച് ബൈക്ക് യാത്രികനായ നേര്യമംഗലം സ്വദേശി (33) വയസുള്ള സനീഷാണ് മരിച്ചത്.
ദേശീയപാതയിൽ കുത്തുകുഴി വായനശാലപ്പടിയിൽ ഇന്നലെ രാത്രി ഒമ്പതരയോടെയാണ് ഈ സ്റ്റേൺ കമ്പനിയുടെ ഗുഡ്സ് ലോറിയും ബൈക്കും തമ്മിൽ കൂട്ടിയിടിച്ച് അപകടം നടന്നത്.
ഇടിയുടെ ആഘാതത്തിൽ റോഡിലേക്ക് തെറിച്ചുവീണ സനീഷിനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വെൽഡിംഗ് ജോലിക്കാരനായ സനീഷ് ജോലി കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടം സംഭവിച്ചത്. നേര്യമംഗലം 46 ഏക്കറിൽ മുരിങ്ങോത്തിൽ വീട്ടിൽ റിട്ടയേർഡ് ഫോറസ്റ്റർ ദാസിന്റേയും ലളിതയുടേയും മകനാണ് സനീഷ് . ഭാര്യ: ശ്യാമിലി രാജകുമാരി നടുമുറ്റം കൊല്ലിയിൽ (H) കുടുംബാംഗം. മക്കൾ : ധീരജ് (5) , ആത്മജ് (4) എന്നിവരാണ്. സംസ്കാരം ഇന്ന് ഉച്ച കഴിഞ്ഞ് 2 മണിക്ക് വീട്ട് വളപ്പിൽ.
