അലക്കുയന്ത്രത്തിനുള്ളിലൊളിച്ച മൂർഖൻ പാമ്പിനെ പിടികൂടി.

കോതമംഗലം: കുത്തുകുഴിയിലെ വീട്ടിലെ അലക്കുയന്ത്രത്തിനുള്ളിലൊളിച്ച മൂർഖൻ പാമ്പിനെ ഇന്ന് പിടികൂടി. കുത്തുകുഴിയിൽ സ്വകാര്യ വ്യക്തിയുടെ വീട്ടിനുള്ളിലെ വാഷിങ്ങ് മെഷീന്റെ ഇടയിൽ കയറിയ മൂർഖൻ പാമ്പിനെയാണ് പിടികൂടിയത്. വീട്ടിലെ കുട്ടികളാണ് പാമ്പിനെ ആദ്യമായി കണ്ടത്. പാമ്പിനെ കണ്ട വീട്ടുകാർ മുറിയുടെ വാതിലുകൾ അടച്ചിട്ട ശേഷം കോതമംഗലം ഫോറസ്റ്റ് റേഞ്ച് ഓഫീസിൽ വിവരം അറിയിക്കുകയായിരുന്നു. തുടർന്ന് ആവോലിച്ചാൽ സ്വദേശി CK വർഗീസ് എത്തി വിദഗ്ദമായി പാമ്പിനെ പിടികൂടി സുരക്ഷിതമായ സ്ഥലത്ത് തുറന്നു വിട്ടു.