പെരുമ്പാവൂർ : പൂതംകുറ്റി സ്വദേശിയുടെ കാർ വാടകക്കെടുത്ത് മറിച്ചു വിറ്റ കേസിൽ രണ്ടു പേർ പിടിയിൽ. മൂക്കന്നൂർ വട്ടേക്കാട് കിഴക്കേത്തറ വീട്ടിൽ സുബ്രഹ്മണ്യൻ (47), നൊച്ചിമ എൻ.ഏ.ഡി. ചേലക്കര വീട്ടിൽ സനോജ് (40) എന്നിവരെയാണ് അങ്കമാലി പോലീസ് അറസ്റ്റ് ചെയ്തത്. 2020 ഏപ്രിലിൽ ആണ് ചാക്കുണ്ണി എന്നയാളുടെ പക്കൽ നിന്ന് 4 കാറുകൾ സുബ്രഹ്മണ്യൻ വാടകക്ക് എടുത്തത്. പറവൂരിലെ ഒരു സ്വകാര്യ സ്ഥാപനത്തിന് വേണ്ടി ഓടുന്നതിനാണ് എന്ന് പറഞ്ഞാണ് വാടകക്ക് എടുത്തത്. തുടർന്ന് ഇയാൾ സനോജിന് മറച്ചു വിൽക്കുകയായിരുന്നു.
എസ്.എച്ച്. ഒ സോണി മത്തായി, എസ്.ഐ അജിത്. കെ, എ.എസ്.ഐ ജോസഫ് , സി.പി. ഒ മാരായ ബെന്നി ഐസക്ക്, വിജിഷ് എന്നിവരാണ് അന്വേഷണ സംഘത്തിലുള്ളത്. തട്ടിപ്പിനെക്കുറിച്ച് പ്രത്യേക ടീം അന്വേഷിക്കുമെന്ന് ജില്ലാ പോലീസ് മേധാവി കെ. കാർത്തിക്ക് പറഞ്ഞു.
