കോതമംഗലം : കോതമംഗലം പ്രസ് ക്ലബിൻ്റെ ഓണാഘോഷം പ്രസ് ക്ലബ് ഹാളിൽ പ്രസിഡൻ്റ് ജോഷി അറയ്ക്കൽ ഉദ്ഘാടനം ചെയ്തു. സെക്രട്ടറി സോണി നെല്ലിയാനി അധ്യക്ഷനായി. ജോർജ് മാലിപ്പാറ , ലെത്തീഫ് കുഞ്ചാട്ട് , പി സി പ്രകാശ് , ജിജു ജോർജ് , ജിജോ വണ്ടനാക്കര , ശശീന്ദ്രൻ അയിരൂർ എന്നിവർ പ്രസംഗിച്ചു. ദീപു ശാന്താറാം സ്വാഗതവും നിസാർ അലിയാർ നന്ദിയും പറഞ്ഞു.
എസ് എസ് എൽ സി ക്ക് ഉന്നത വിജയം കരസ്ഥമാക്കിയ പ്രസ് ക്ലബ് അംഗം എൻ എ സുബൈയറിൻ്റെ മകൾ എൻ എസ് നൂഹിനേയും കോതമംഗലം നഗരസഭയിലെ മികച്ച കർഷകനായി തെരഞ്ഞെടുക്കപ്പെട്ട പ്രസ് ഫോട്ടോഗ്രാഫർ കെ വി സജിയേയും പ്രസ് ക്ലബ് ഉപഹാരം നൽകി ആദരിച്ചു. ചടങ്ങിൽ ഉന്നത വിജയം നേടിയ നൂഹിന് കോതമംഗലം ജനകീയ കൂട്ടായ്മ ഭാരവാഹികളായ അഡ്വ. രാജേഷ് രാജൻ, ജോർജ് എടപ്പാറ എന്നിവർ സ്മാർട്ട് ഫോൺ നൽകി ആദരിച്ചു.
