കോതമംഗലം : കോതമംഗലം താലൂക്കിലെ ചാത്തമാറ്റം കരകളിൽ മദ്യവിൽപ്പന നടത്തി വന്ന കോതമംഗലം താലൂക്ക് കടവൂർ വില്ലേജ് ഒറ്റകണ്ടം കരയിൽ പലേലിൽ വീട്ടിൽ ചോതി മകൻ വാസു (49/21) എന്നയാളെ കോതമംഗലം റേഞ്ച് എക്സൈസ് ഇൻസ്‌പെക്ടർ ഷൈബുവും പാർട്ടിയും കൂടി അറസ്റ്റ് ചെയ്തു. ടിയാന്റെ കൈവശത്ത് നിന്നും 2.200 ലിറ്റർ മദ്യവും 680/- രൂപ വിൽപ്പന പണവും മൊബൈൽ ഫോണും കണ്ടെടുത്തു.
കോതമംഗലം കോടതിയിൽ ഹാജരാക്കിയ പ്രതിയെ മജിസ്‌ട്രേറ്റ് 14 ദിവസം റിമാൻഡ് ചെയ്തു. പാർട്ടിയിൽ അസിസ്റ്റന്റ് എക്സൈസ് ഇൻസ്‌പെക്ടർ ജോർജ് ജോസഫ്, പ്രിവന്റീവ് ഓഫീസർ പി പി ഹസ്സൈനാർ, സിവിൽ എക്സൈസ് ഓഫീസർ എ എം കൃഷ്ണകുമാർ, പി ബി മാഹിൻ എന്നിവർ ഉണ്ടായിരുന്നു.
