കോതമംഗലം : കോതമംഗലത്തിന് സമീപം ചേലാട് ചായക്കടയുടെ പുറകിലൊളിച്ച മലമ്പാമ്പിനെ പിടികൂടി. ഇന്ന് രാവിലെയാണ് സംഭവം. ചേലാട് പള്ളിക്ക് സമീപമുള്ള ചായക്കടയുടെ പുറകിൽ കൂട്ടിയിട്ടിരുന്ന വിറകിൻ്റെ ഇടയിൽ കയറിയ മലമ്പാമ്പിനെ ആവോലിച്ചാൽ സ്വദേശി C.K വര്ഗീസ് ആണ് പിടികൂടിയത്. വിറകിൻ്റെ ഇടയിലൊളിച്ച പാമ്പിനെ പിടികൂടുന്നത് എളുപ്പമായിരുന്നില്ല. ഏറെ നേരത്തെ പരിശ്രമത്തിന് ശേഷമാണ് പാമ്പുപിടുത്തത്തിൽ വിദഗ്ദ്ധനായ വർഗീസിൻ്റെ കൈപ്പിടിയിൽ മലമ്പാമ്പ് ഒതുങ്ങിയത്.
പുന്നേക്കാട് ഫോറസ്റ്റ് സെക്ഷനിൽ വിവരം അറിയിച്ചതിനെ തുടർന്ന് വാച്ചർ സ്കറിയയുടെ സഹായത്തോടെയാണ് കൂറ്റൻ മലമ്പാമ്പിനെ പിടികൂടിയത്. ഏകദേശം 10 അടിയോളം നീളവുo 17 Kg ഭാരവുo ഉണ്ടായിരുന്ന മലമ്പാമ്പിനെ രക്ഷപെടുത്തി വനാന്തരത്തിൽ തുറന്നു വിടുകയായിരുന്നു.
