കോതമംഗലം : അകാലത്തില് നിര്യാതനായ പല്ലാരിമംഗലം കുടമുണ്ട സ്വദേശി ഇടയപ്പുറം ഇ എന് ഷെയ്ഖിന്റെ (47) നിര്യാണത്തില് കുടമുണ്ട ദേശാഭിമാനി ആര്ട്സ് ആന്റ് സ്പോര്ട്സ് ക്ലബിന്റെ നേതൃത്വത്തില് അനുശോചന യോഗം ചേര്ന്നു. ആന്റണി ജോണ് എം എല് എ അനുശോചന യോഗം ഉദ്ഘാടനം ചെയ്തു.സി ഐ റ്റി യു ഫോറസ്റ്റ് ആന്റ് ജനറല് വര്ക്കേഴ്സ് യൂണിയന് കോതമംഗലം ഡിപ്പോ തൊഴിലാളിയായിരുന്നു ഇ എൻ ഷെയ്ഖ്.ദീര്ഘകാലം ദേശാഭിമാനി ക്ലബിന്റെ പ്രസിഡന്റ്,ഡി വൈ എഫ് ഐ മുന് കോതമംഗലം താലൂക്ക് സെക്രട്ടറി, സി പി ഐ എം മുന് പാര്ട്ടി അംഗം എന്നീ നിലകളില് പ്രവര്ത്തിച്ചിട്ടുണ്ട്. ആരുടെ ആവശ്യത്തിനും ഓടിയെത്തുന്ന ഇ എന് ഷെയ്ഖിന്റെ വിയോഗം കോതമംഗലത്തെ പാര്ട്ടിക്കും കുടമുണ്ട നിവാസികള്ക്കും തീര്ത്താല് തീരാത്ത നഷ്ടമാണെന്ന് എം എല് എ പറഞ്ഞു.
ദേശാഭിമാനി ക്ലബ് പ്രസിഡന്റ് എം എസ് സിദ്ദീഖ് അദ്ധ്യക്ഷനായി. യോഗത്തിൽ ബ്ലോക്ക് പഞ്ചായത്ത് അംഗം ഒ ഇ അബ്ബാസ്,പി എം ഹസ്സന്കുഞ്ഞ്,സി ഐ റ്റി യു പ്രതിനിധി എം എം ബക്കര്,ഇടം പ്രവാസി സംഘടനാ പ്രസിഡന്റ് അജില്സ് ഒ ജമാല്,ദേശാഭിമാനി ക്ലബ് സെക്രട്ടറി കെ എം കബീര്,യുവ മടിയൂര് പ്രസിഡന്റ് പി എം അജ്മല്,നാഷ്ണല് പുലിക്കുന്നേപ്പടി സെക്രട്ടറി പി കെ മുഹമ്മദ്,ഹീറോ യംഗ്സ് അടിവാട് പ്രസിഡന്റ് അബ്ദുറഹ്മാന്,യുവധാര പ്രതിനിധി കെ എ യൂസുഫ്,പ്രിയദര്ശിനി ക്ലബ് പ്രസിഡന്റ് അര്ജുന് ശശി തുടങ്ങിയവര് സംസാരിച്ചു.
