Connect with us

Hi, what are you looking for?

NEWS

14 മത് എംബിറ്റ്സ് ദിനം ആചരിച്ചു

കോതമംഗലം: വിശുദ്ധ മാര്‍ത്തോമാ ചെറിയപള്ളിയുടെ കീഴിലുള്ള എംബിറ്റ്സ് എഞ്ചിനീയറിംഗ് ആന്‍ഡ് പോളിടെക്നിക് കോളേജുകളുടെ 14 മത് വാര്‍ഷികം ‘എംബിറ്റ്സ് ദിനം’ ആചരിച്ചു. ഇടുക്കി എം പി ഡീന്‍ കുര്യാക്കോസ് വാര്‍ഷികം ഉദ്ഘാടനം ചെയ്തു. മാര്‍ത്തോമാ ചെറിയ പള്ളി വികാരി ഫാ. ജോസ് പറത്തുവയലില്‍ അധ്യക്ഷത വഹിച്ചു. എംബിറ്റ്സ് എഞ്ചിനീയറിംഗ് കോളേജിലെ കമ്പ്യൂട്ടര്‍ സയന്‍സ് വിദ്യാര്‍ത്ഥികള്‍ കോതമംഗലം താലൂക്ക് ആശുപത്രിക്കായി നിര്‍മ്മിച്ച വെബ്സൈറ്റിന്റെ ഉത്ഘാടനം ആന്റണി ജോണ്‍ എം എല്‍ എ നിര്‍വഹിച്ചു. കോതമംഗലം മേഖലയുടെ അഭിവന്ദ്യ ഏലിയാസ് മാര്‍ യൂലിയോസ് മെത്രപൊലീത്ത മുഖ്യപ്രഭാഷണം നല്‍കി. പ്രശസ്ത സിനിമ സംവിധായകനും നടനുമായ ബേസില്‍ ജോസഫ് മുഖ്യാതിഥിയായിരുന്നു. കോളേജിലെ പൂര്‍വ്വ വിദ്യാര്‍ത്ഥിയായിരുന്ന എല്‍സ്റ്റന്‍ അബ്രഹാമിന്റെ സ്മരണാര്‍ത്ഥം സഹപാഠികള്‍ നിര്‍മ്മിച്ച കോളേജിലെ ഫ്രണ്ട്‌സ് കോര്‍ണര്‍ സമര്‍പ്പണം ബേസില്‍ ജോസഫ് നിര്‍വഹിച്ചു.

എംബിറ്റ്സ് ദിനത്തോട് അനുബന്ധിച്ച് പാഠ്യ പഠ്യേതര രംഗത്ത് മികവ് പുലര്‍ത്തിയ അധ്യാപകരെയും വിദ്യാര്‍ത്ഥികളെയും അനുമോദിച്ചു. നാഗ്പൂരില്‍ നടന്ന എന്‍എസ്എസ് നാഷണല്‍ ക്യാമ്പില്‍ കേരളത്തിന്റെ കന്റിജെന്റ് ലീഡര്‍ ആയിരുന്ന എംബിറ്റ്‌സ് എന്‍ജിനീയറിങ് കോളേജ് പ്രോഗ്രാം ഓഫീസര്‍ ഷിജു രാമചന്ദ്രന്‍, ബേസില്‍ എല്‍ദോസ്, ജിംസണ്‍ വര്‍ഗീസ് എന്നീ അധ്യാപകര്‍ക്കും വയനാട് നടന്ന എന്‍എസ്എസ് നാഷണല്‍ ക്യാമ്പില്‍ കേരളത്തെ പ്രതിനിധീകരിച്ച വിദ്യാര്‍ഥിനി റിയ ജോസഫ്, താലൂക്ക് ആശുപത്രിക്ക് വേണ്ടി വെബ്‌സൈറ്റ് നിര്‍മ്മിച്ച ആരോണ്‍ പീറ്റര്‍ ബിജു, പൈറോളിസിസ് എന്ന പ്രവര്‍ത്തനത്തിലൂടെ പ്ലാസ്റ്റിക്ക് നിന്നും ക്രൂഡ് ഓയില്‍ നിര്‍മ്മിക്കുന്നതിന് പേറ്റന്റ് ലഭിച്ച എബിന്‍ കെ എസ് എന്നിവര്‍ക്ക് അനുമോദനം നല്‍കി. കൂടാതെ പാഠ്യ രംഗത്ത് മികവ് പുലര്‍ത്തിയ വിദ്യാര്‍ത്ഥികളേയും അനുമോദിച്ചു.
കോളേജില്‍ 10 വര്‍ഷം പൂര്‍ത്തീകരിച്ച ജീവനക്കാരെ ചടങ്ങില്‍ ആദരിച്ചു. കോളജ് സെക്രട്ടറി സി എ കുഞ്ഞച്ചന്‍ ചുണ്ടാട്ട് കോളജ് വാര്‍ഷിക റിപ്പോര്‍ട്ടും ഡോ പി സോജന്‍ ലാല്‍ എന്‍ജിനീയറിങ് കോളജിന്റെയും പ്രൊഫ. പോള്‍സണ്‍ പീറ്റര്‍ പോളിടെക്‌നിക്ക് കോളജിന്റെയും അക്കാദമിക് റിപ്പോര്‍ട്ട് അവതരിപ്പിച്ചു. കോളജ് ട്രഷറര്‍ സി കെ ബാബു ചെറുപുറം, കവളങ്ങാട് ഗ്രാമ പഞ്ചായത്ത് പ്രസിഡന്റ് സിബി മാത്യൂസ്, താലൂക്ക് ആശുപത്രി സൂപ്രണ്ട് ഡോ. സാം പോള്‍, പിടിഎ വൈസ് പ്രസിഡന്റ് പി പി സലീം, കോളേജ് യൂണിയന്‍ ചെയര്‍മാന്‍ ലിവിന്‍ സെബി,കോളജ് ചെയര്‍മാന്‍ പി വി പൗലോസ് പഴുക്കാളില്‍,ഇലക്ട്രോണിക്‌സ് എഞ്ചിനീയറിംഗ് വിഭാഗം മേധാവി പ്രഫ. ജോണി ജോസഫ് എന്നിവര്‍ പ്രസംഗിച്ചു.

 

You May Also Like

NEWS

  കോതമംഗലം : കോട്ടപ്പടി കൽക്കുന്നേൽ മാർഗീവർഗീസ് സഹദാ യാക്കോബായ സുറിയാനി പള്ളിയുടെ കീഴിൽ പ്രവർത്തിച്ചു വരുന്ന മാർ ഏലിയാസ് സൺഡേ സ്കൂൾ 100-ാംവാർഷീകത്തോടനുബന്ധിച്ച് ശതാബ്ദി ആഘോഷങ്ങളുടെ സമാപനവും പൂർവ വിദ്യാർത്ഥി സംഗമവും...

NEWS

  കോതമംഗലം : കായിക വകുപ്പ് സംഘടിപ്പിക്കുന്ന “കിക്ക് ഡ്രഗ് സ് സെ യെസ് ടു സ്പോർട്സ്_” സന്ദേശയാത്രയുടെ വിജയത്തിനായി കോതമംഗലം മുൻസിപ്പൽ തല സംഘാടകസമിതി രൂപീകരിച്ചു.ലഹരി വിരുദ്ധ ക്യാമ്പയിൻ്റെ ഭാഗമായി സംസ്ഥാന...

NEWS

കോതമംഗലം: കോട്ടപ്പടി പോലീസ് സ്റ്റേഷനും റൂറല്‍ ജില്ലയിലെ പെരുമ്പാവൂര്‍ സബ് ഡിവിഷന്‍ ഓഫീസിനും ഐഎസ്ഒ സര്‍ട്ടിഫിക്കറ്റ്. കുറ്റകൃത്യങ്ങള്‍ തടയുക, കുറ്റവാളികളെ കണ്ടെത്തുക, ക്രമസമാധാന പാലനം, പൊതുജന സൗഹൃദം, ആധുനികവല്‍ക്കരണം, ഭൗതിക സാഹചര്യങ്ങള്‍, പാരിസ്ഥിതിക...

CRIME

മൂവാറ്റുപുഴ: വില്‍പനക്കെത്തിച്ച നാലരകിലോയോളം കഞ്ചാവുമായി ആസാം സ്വദേശി മൂവാറ്റുപുഴ പോലീസിന്റെ പിടിയില്‍. മൂവാറ്റുപുഴ പോലീസ് ഇന്‍സ്‌പെക്ടര്‍ ബേസില്‍ തോമസിന്റെ നേതൃത്വത്തില്‍ പായിപ്ര എസ്റ്റേറ്റ് പടിയില്‍ നടത്തിയ പരിശോധനയില്‍ ആസാം അമ്പഗാവ് സ്വദേശി സഞ്ജിത്...

NEWS

കുട്ടമ്പുഴ:  ഗ്രാമ പഞ്ചായത്ത് 15-ാം വാർഡ് ADS ആനക്കയം 25-ാം വാർഷികം ആഘോഷിച്ചു. യോഗത്തിൽ ADS ചെയർപേഴ്സൻ ശ്രീമതി ലിസ്സി പൗലോസ് അദ്ധ്യക്ഷത വഹിച്ചു. ADS മെമ്പർ ശ്രീമതി ഫിലോമിന ജോർജ്ജ് സ്വാഗതം...

NEWS

കല്ലൂര്‍ക്കാട്: വഴിയരികില്‍ പോത്തിന്റെ കാലില്‍ കയറിട്ടു കുരുക്കിയ നിലയില്‍ കണ്ടെത്തി. കലൂര്‍ ഐപ്പ് മെമ്മോറിയല്‍ സ്‌കൂളിനു സമീപം തൊടുപുഴ ഭാഗത്തേക്കുള്ള വഴിയരികിലാണ് പോത്തിനെ വൈദ്യുത പോസ്റ്റില്‍ കെട്ടിയിട്ട നിലയില്‍ കണ്ടത്. വായയും കൂട്ടിക്കെട്ടപ്പെട്ട...

NEWS

കോതമംഗലം: തിരുവനന്തപുരം നവപ്രതിഭ സാഹിത്യവേദിയുടെ മാധ്യമ ശ്രേഷ്ഠ പുരസ്‌കാരം പത്ര പ്രവർത്തകനും, എറണാകുളം കോതമംഗലം മാർ അത്തനേഷ്യസ് കോളേജ് ലൈബ്രറി അസിസ്റ്റന്റുമായ ഏബിൾ. സി. അലക്സിന്. മെയ്‌ 24 ശനിയാഴ്ച തിരുവനന്തപുരം തൈക്കാട്...

NEWS

കോതമംഗലം: കോതമംഗലം എം. എ. കോളേജ് നീന്തൽ കുളത്തിൽ നടന്ന എറണാകുളം ജില്ലാ അക്വാട്ടിക് അസോസിയേഷന്റെ പുരുഷ, വനിതാ നീന്തൽ ചാമ്പ്യൻഷിപ്പിൽ 299 പോയിന്റ് നേടി കളമശേരി രാജഗിരി സ്വിമ്മിങ് അക്കാദമി ഓവറോൾ...

NEWS

കോതമംഗലം: കനത്ത മഴയില്‍ റോഡില്‍ രൂപപ്പെട്ട വെള്ളക്കെട്ട് യാത്രക്കാര്‍ക്ക് ദുരിതമായി. കോതമംഗലം ടൗണില്‍ തങ്കളത്ത് ബൈപ്പാസ് ജംഗ്ഷന് സമീപമാണ് വെള്ളക്കെട്ട് രൂപപ്പെട്ടത്. ഇതേതുടര്‍ന്ന് വാഹനങ്ങള്‍ കുരുക്കില്‍പ്പെട്ടു. കാല്‍നടക്കാരും ഏറെ ബുദ്ധമുട്ടി. ഓടയിലൂടെയുള്ള ഒഴുക്ക്...

NEWS

പോത്താനിക്കാട്: സ്ഥിരമായി വൈദ്യുതി മുടങ്ങിയിട്ടും തകരാര്‍ കണ്ടുപിടിക്കാനാവാതെ കെഎസ്ഇബി ജീവനക്കാര്‍. പോത്താനിക്കാട് സെക്ഷനു കീഴില്‍ വരുന്ന പറന്പഞ്ചേരി, പുളിന്താനം, ആരിമറ്റം പ്രദേശങ്ങളില്‍ ഒരു മാസത്തോളമായി രാത്രി രണ്ടിനു ശേഷം ദിവസവും വൈദ്യുതി മുടങ്ങുന്നു....

NEWS

കോതമംഗലം :കോതമംഗലം നഗരസഭയിലെ ദീർഘകാലം സേവനം അനുഷ്ടിച്ച് വിരമിക്കുന്ന അങ്കണവാടി പ്രവർത്തകർക്ക് സ്നേഹോഷ്മളമായ യാത്രയയപ്പ് നൽകി. ക്ഷേമകാര്യ സ്റ്റാൻഡിംങ് കമ്മറ്റി ചെയർപേഴ്സൺ രമ്യ വിനോദിൻ്റെ അദ്ധ്യക്ഷതയിൽ കൂടിയ യോഗത്തിൻ്റെ ഉദ്ഘാടനം ആൻ്റണി ജോൺ...

NEWS

കോതമംഗലം :ഏഴു കോടി രൂപ ചെലവഴിച്ച് ആധുനിക നിലവാരത്തിൽ നവീകരിച്ച നേര്യമംഗലം – നീണ്ടപാറ റോഡിന്റെ ഉദ്ഘാടനം മുഖ്യമന്ത്രിക്ക് വേണ്ടി വിദ്യാഭ്യാസ വകുപ്പ് മന്ത്രി വി ശിവൻകുട്ടി ഓൺലൈനായി നിർവഹിച്ചു. പൊതുമരാമത്ത് &...

error: Content is protected !!