തിരുവനന്തപുരം : പരിശുദ്ധ യാക്കോബായ സുറിയാനി സഭക്ക് നേരിട്ട നീതിനിഷേധത്തിൽ പ്രതിഷേധിച്ച് തിരുവനന്തപുരത്ത് സെക്രട്ടറിയേറ്റിന് മുന്നിൽ നടക്കുന്ന പ്രതിഷേധ സമരത്തിന് ഐക്യദാർഢ്യവുമായി ജനപ്രതിനിധികൾ. ഇടവക ജനങ്ങൾക്ക് ആരാധ സ്വാതന്ത്ര്യം പുനഃസ്ഥാപിക്കുക , ഇന്ത്യൻ ഭരണഘടന അനുവദിക്കുന്ന മാന്യമായ ശവസംസ്കാര ചടങ്ങുകൾ നടത്തുവാൻ സൗകര്യം ഒരുക്കുക തുടങ്ങിയ നിരവധി ആവശ്യങ്ങൾ ഉന്നയിച്ചുകൊണ്ടാണ് തിരുവനന്തപുരത്തു അനിശ്ചിത കാല നിരാഹാര സമരം നടക്കുന്നത്.
നിരവധി സഹനങ്ങളിലൂടെയും പ്രശ്നങ്ങളിലൂടെയും കടന്നുപോകുന്ന യാക്കോബായ സഭക്ക് പിന്തുണ കൊടുക്കുന്നതിനൊപ്പം , സമാധാനം പുനഃസ്ഥാപിക്കുവാനുള്ള ചർച്ചകൾക്ക് മുൻകൈയ്യെടുക്കുവാൻ ശ്രമിക്കുമെന്നും സഹന സമരത്തിൽ പങ്കെടുത്തുകൊണ്ട് ആന്റണി ജോൺ എം എൽ എ പറഞ്ഞു. സമരത്തിൽ എൽദോ എബ്രഹാം എം എൽ എ , ടി യു കുരുവിള തുടങ്ങിയവർ സംബന്ധിച്ചു.
You must be logged in to post a comment Login