യാക്കോബായ സൺഡേ സ്കൂൾ അസോസിയേഷൻ ദേശീയ സമ്മേളനത്തോടനുബന്ധിച്ച് വിളംബര ജാഥ നടത്തപ്പെട്ടു.

കോതമംഗലം: 2022 മെയ് 15 ന് കോതമംഗലം മാർ തോമ ചെറിയ പളളിയിൽ വച്ച് നടക്കുന്ന മലങ്കര യാക്കോബായ സിറിയാൻ സൺഡേ സ്കൂൾ അസോസിയേഷൻ ശതാബ്ദി സമ്മേളനത്തിന് മുന്നോടിയായി വാഹന വിളംബര റാലി നടത്തപ്പെട്ടു. കോതമംഗലം നഗരത്തിൽ നടത്തപ്പെട്ട റാലി MJSSA പ്രസിഡന്റ് അഭിവന്ദ്യ ഡോ. മാത്യൂസ് മാർ അന്തിമോസ് മെത്രാപ്പോലിത്ത ഫ്ലാഗ് ഓഫ് ചെയ്തു. ജാഥാ ക്യാപ്റ്റൻ ജോസഫ് രഞ്ജിത് ചേലാടിന്റെ നേതൃത്വത്തിൽ നൂറു കണക്കിന് ഇരുചക്രവാഹനങ്ങൾ റാലിയിൽ അണിനിരന്നു.

ചെറിയപള്ളി വികാരി റവ ഫാ. ജോസ് പരത്തുവയലിൽ, MJSSA ജനറൽ സെക്രട്ടറി ഷെവലിയാർ MJ മർക്കോസ്, MJSSA സെക്രട്ടറിമാരായ എൽദോ ഐസക്, റോയി തോമസ്, MJSSA എക്സിക്യൂട്ടീവ് കമ്മിറ്റി അംഗം PV പൗലോസ്, മേഖല ഡയറക്ടർ D കോര, മേഖല സെക്രട്ടറി ജോൺ ജോസഫ്, ചെറിയ പള്ളി ട്രസ്റ്റിമാരായ അഡ്വ Cl റോയി, ബിനോയി മണ്ണഞ്ചേരി എന്നിവർ റാലിക്ക് നേതൃത്വം നൽകി.