കോതമംഗലം: വാരപ്പെട്ടി മൈലൂരിൽ പൂട്ടിയിട്ടിരുന്ന വീടിന്റെ വാതില്‍ കുത്തിത്തുറന്ന് ഏഴ് പവനോളം സ്വർണ്ണം കവര്‍ന്നു. പടിക്കാമറ്റം ഏലിയാസ്ൻ്റെ വീട്ടില്‍ നിന്നാണ് സ്വര്‍ണം കവർന്നത്. വീട്ടുകാര്‍ ചികിത്സ സംബന്ധമായ കാര്യത്തിന് തീരുവനന്തപുരത്തിന് പോയിരുന്ന സമയത്താണ് മോഷണം നടന്നിരിക്കുന്നത്. പുറകുവശത്തെ വാതില്‍ പൊളിച്ച്‌ അകത്തുകടന്നശേഷം അലമാര കുത്തിത്തുറന്നാണ് മോഷണം നടത്തിയത്. ഇന്ന് രാവിലെയാണ് മോഷണ വിവരം അയൽക്കാർ അറിയുന്നത്. നാട്ടുകാർ വിവരമറിയിച്ചതിനെത്തുടര്‍ന്ന് പോത്താനിക്കാട് പോലീസ് സ്ഥലത്തെത്തി അന്വേഷണം ആരംഭിച്ചു.
You must be logged in to post a comment Login