കോതമംഗലം :- വടാട്ടുപാറ മീരാൻസിറ്റിക്ക് സമീപം സ്വകാര്യ വ്യക്തിയുടെ വീടിൻ്റെ അടുക്കളയിൽ കൂറ്റൻ രാജവെമ്പാലയെ കണ്ടെത്തി. വീടിൻ്റെ അടുക്കളയിൽ പാത്രങ്ങൾക്കിടയിൽ ഒളിച്ചിരുന്ന രാജവെമ്പാലയെ പ്രമുഖ പാമ്പുപിടുത്ത വിദഗ്ദ്ധൻ മാർട്ടിൻ മേക്കമാലിയാണ് പിടികൂടിയത്. 16 അടിയോളം നീളമുള്ള പെൺ രാജവെമ്പാലയായിരുന്നു.
പിടികൂടിയ പാമ്പിനെ സുരക്ഷിത സ്ഥലത്ത് തുറന്നു വിട്ടെങ്കിലും സമീപത്തെ തോട്ടിലെ വെള്ളത്തിൽ നിന്ന് കയറാൻ കൂട്ടാക്കിയില്ല. ശക്തമായ ചൂട് കാലാവസ്ഥയായതുകൊണ്ടാകാം പാമ്പ് വെള്ളത്തിൽ നീന്തിക്കുളിച്ച് ഏറെ നേരം കഴിഞ്ഞാണ് കാട്ടിലേക്ക് മടങ്ങിയത്.
