കോതമംഗലം: കേരളത്തിലെ പുതുതലമുറയെ ലഹരിയില് നിന്നും സമ്പൂര്ണ്ണമായി രക്ഷിക്കുന്നതിന് പൊതുസമൂഹം ഉണര്ന്ന് പ്രവര്ത്തിക്കണമെന്നും അക്രമണങ്ങളും, കൊലപാതകങ്ങളും വാഹന അപകടങ്ങളും, മറ്റു സാമൂഹ്യതിന്മകളും ഇല്ലാതാക്കുന്നതിന് ജാഗ്രതയോടെയുള്ള ഇടപെടല് അനിവാര്യമെന്നും കേരള മദ്യവിരുദ്ധ ഏകോപന സമിതി കോതമംഗലം താലൂക്ക് ജനറല് കൗണ്സില് യോഗം.
സംസ്ഥാന ഗവണ്മെന്റ് നടപ്പിലാക്കുന്ന തൂഫാന് – തണ്ടര് പദ്ധതികള്ക്ക് പൊതുസമൂഹത്തിന്റെ പൂര്ണ്ണ പിന്തുണയോഗം അഭ്യര്ത്ഥിച്ചു.
കോതമംഗലം സെൻ്റ് ജോർജ് കത്തീഡ്രല് ഹാളില് നടന്ന യോഗം കേരള മദ്യവിരുദ്ധ ഏകോപന സമിതി സംസ്ഥാന സെക്രട്ടറിജെയിംസ് കോറമ്പേല് ഉദ്ഘാടനം ചെയ്തു. താലൂക്ക് വൈസ് പ്രസിഡന്റ് ജോയി പടയാട്ടില് അദ്ധ്യക്ഷത വഹിച്ചു. ജോണി കണ്ണാടന്, ബിജു വെട്ടിക്കുഴ, കെ.എച്ച്. സലിം, ശശി കുഞ്ഞുമോന്, ജോയി പനയ്ക്കല്, പോള് കൊങ്ങാടന്, റെജി വാരിക്കാട്ട്, രമണി കൃഷ്ണന്കുട്ടി, സാബു കുരിശിങ്കല്, സാജന് അമ്പാട്ട്, മാര്ട്ടിന് കീഴേമാടന്, കെ.വി. ഏണസ്റ്റ്, ജോസ് കൈതമന, മാത്യു ആന്റോ, തോമസ് ആന്റണി എന്നിവര് പ്രസംഗിച്ചു. പുതിയ താലൂക്ക് ഭാരവാഹികളായി ബിജു വെട്ടിക്കുഴ പ്രസിഡന്റ്, ജോയി പനയ്ക്കല് ജനറല് സെക്രട്ടറി, ജോയി പടയാട്ടില് ട്രഷറര് എന്നിവരെ തിരഞ്ഞെടുത്തു.
