കോതമംഗലം : കൊച്ചി – ധനുഷ്കോടി ദേശീയ പാതയിൽ കോതമംഗലം – നേര്യമംഗലം റൂട്ടിൽ തലക്കോട് വില്ലാൻ ചിറയിൽ സ്വകാര്യ ബസുകളും ടാങ്കർ ലോറിയും കൂട്ടിയിടിച്ചു. ഇന്ന് വ്യാഴാഴ്ച്ച ഉച്ചക്കഴിഞ്ഞ് മൂന്നു മണിയോടെയാണ് അപകടം. തൊടുപുഴ – കബ്ലികണ്ടം റൂട്ടിലോടുന്ന സെന്റ് മേരീസ് ബസും തൊടുപുഴ – അടിമാലി റൂട്ടിലോടുന്ന പി എൻ എസ് ബസും തമ്മിലാണ് കൂട്ടിയിടിച്ചത്. സെന്റ് മേരീസ് ബസ് ടാങ്കർ ലോറിയെ മറികടക്കാനുള്ള ശ്രമത്തിനിടയിലാണ് അപകടം സംഭവിച്ചത്. പി എൻ എസ് ബസ് ടാങ്കർ ലോറിയിലിടിച്ചു നിന്നു. ക്രെയിൻ ഉപയോഗിച്ച് വാഹനങ്ങൾമാറ്റി. ബസുകളിൽ സഞ്ചരിച്ച ഏതാനും പേർക്ക് പരുക്കേറ്റു.
ചിത്രം : വില്ലാൻ ചിറയിൽ ടാങ്കർ ലോറിയും ബസുകളും കൂട്ടിയിടിച്ചുണ്ടായ അപകടം
