കോതമംഗലം: കോതമംഗലം സെന്റ് ജോൺസ് മിഷന്റെ നേതൃത്വത്തിൽ നിർധന കുടുംബവും വീടില്ലാത്ത തട്ടേക്കാട് പുത്തൻപുരക്കൽ വീട്ടിൽ സൗമ്യ ജെയിംസ്,നെല്ലിമറ്റം ചമ്മട്ടിമോളേൽ വീട്ടിൽ സിജി ജോയി,അറയ്ക്കപ്പടി വെള്ളാറപാറക്കുഴി വീട്ടിൽ അജിത്ത് സജി എന്നിവർക്ക് പണി പൂർത്തീകരിച്ച വീടിന്റെ താക്കോൽ ദാനത്തിന്റെയും നെല്ലിക്കുഴി പടിപ്പുരക്കൽ വീട്ടിൽ അനീഷ എന്ന വ്യക്തിക്ക് മാലിപ്പാറയിൽ മൂന്ന് സെന്റ് സ്ഥലം വാങ്ങി ആധാരം കൈമാറുന്ന ചടങ്ങിന്റെയും ഉദ്ഘാടനം സെന്റ് ജോൺസ് മിഷനിൽ വച്ച് ആന്റണി ജോൺ എംഎൽഎ നിർവ്വഹിച്ചു.
പ്രസിഡന്റ് ഫാദർ മാത്യൂസ് കുഴിവേലിപ്പുറത്ത് അധ്യക്ഷത വഹിച്ച ചടങ്ങിൽ ഡയറ്കടർ ബ്രദർ ജോണി തോളേലി,സെക്രട്ടറി ജോയി പി വി,സിസ്റ്റർ സൂസന്ന,എം എസ് ബെന്നി എന്നിവർ സന്നിഹിതരായിരുന്നു.
