പെരുമ്പാവൂർ : സംസ്ഥാന ഗവൺമെന്റിന്റെ വിദ്യാകിരണം മിഷൻ പ്ലാൻ ഫണ്ടിൽ നിന്നും അനുവദിച്ച ഒരു കോടി 8 ലക്ഷം രൂപ ഉപയോഗിച്ച് നിർമ്മിച്ച പുതിയ അക്കാദമിക് ബ്ലോക്കിന്റെ ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു.വിദ്യാഭ്യാസ മന്ത്രി വി. ശിവൻകുട്ടി അധ്യക്ഷനായ ചടങ്ങിൽ ധനകാര്യമന്ത്രി കെ എൻ ബാലഗോപാൽ മുഖ്യപ്രഭാഷണം നടത്തി. തുടർന്ന് സ്കൂൾ അങ്കണത്തിൽ ചേർന്ന പൊതുയോഗത്തിൽ പെരുമ്പാവൂർ എംഎൽഎ അഡ്വ. എൽദോസ് .പി . കുന്നപ്പിള്ളിൽ പൊതുസമ്മേളനവും സ്കൂൾ കെട്ടിടത്തിന്റെ ഉദ്ഘാടനവും നിർവഹിച്ചു.
ഇതോടനുബന്ധിച്ച് കുട്ടികൾക്കുള്ള അടുത്ത അധ്യയന വർഷത്തേക്കുള്ള ജൻഡർ ന്യൂട്രൽ ഖാദി യൂണിഫോമിന്റേയും അധ്യാപകർക്കുള്ള ഖാദി യൂണിഫോം സാരിയുടേയും വിതരണോദ്ഘാടനവും ഖാദി ബോർഡ് വൈസ് ചെയർമാൻ പി ജയരാജൻ നിർവഹിച്ചു. വെങ്ങോല ഗ്രാമപഞ്ചായത്ത് പ്രസിഡൻറ് എൻ ബി ഹമീദ് അധ്യക്ഷനായ പ്രാദേശിക സമ്മേളനത്തിൽ പിടിഎ പ്രസിഡണ്ട് വി വിവേക് സ്വാഗതം ആശംസിച്ചു.ഹെഡ്മിസ്ട്രസ് കെ എ ഉഷ സ്കൂളിനെ പരിചയപ്പെടുത്തുകയും ബ്ലോക്ക് പഞ്ചായത്ത് പ്രസിഡണ്ട് കെ എം അൻവർ അലി 2019 – 20 വർഷത്തെ എൽ എസ് എസ് വിജയികൾക്കുള്ള ട്രോഫി വിതരണം ചെയ്യുകയും ചെയ്തു.
എൻ. സി. മോഹനൻ, രായമംഗലം ഗ്രാമപഞ്ചായത്ത് പ്രസിഡൻറ് എൻ. പി അജയകുമാർ ,വെങ്ങോല സർവീസ് സഹകരണ ബാങ്ക് പ്രസിഡൻറ് എം ഐ ബീരാസ് ,എറണാകുളം ജില്ലാ പഞ്ചായത്ത് മെമ്പർ നമ്പർ പി എം നാസർ, ബ്ലോക്ക് പഞ്ചായത്ത് മെമ്പർ അശ്വതി രതീഷ് , ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഷിജി ടീച്ചർ ,വെങ്ങോല പഞ്ചായത്ത് മെമ്പർ ലക്ഷ്മി റെജി,ഡയറ്റ് ലക്ചറർ മുഹമ്മദ് റാഫി, വളയൻചിറങ്ങര ഹയർസെക്കൻഡറി സ്കൂൾ ഹെഡ്മാസ്റ്റർ ജി ആനന്ദകുമാർ ,എസ് എം സി ചെയർമാൻ കെ അശോകൻ ,മുൻ പ്രധാനാധ്യാപിക സി രാജിതുടങ്ങിയവർ ആശംസകൾ നേർന്ന ചടങ്ങിൽ സീനിയർ അസിസ്റ്റൻറ് കെ പി സുമ കൃതജ്ഞത രേഖപ്പെടുത്തി. പൊതുവിദ്യാലയങ്ങൾക്കാകെ മാതൃകയാകുന്ന ഈ വിദ്യാലയത്തിന്റെ പുരോഗതിയിൽ ജനപ്രതിനിധികൾ വലിയ പങ്കുവഹിച്ചിട്ടുണ്ട്.
2021 ഫെബ്രുവരിയിൽ പെരുമ്പാവൂർ എംഎൽഎ എൽദോസ് കുന്നപ്പിള്ളിയുടെ ആസ്തി വികസന ഫണ്ട് ഉപയോഗിച്ച് 66 ലക്ഷം രൂപ ചിലവിൽ പുതിയ 6 ക്ലാസ് മുറികളുള്ള അക്കാദമിക് ബ്ലോക്ക് ഉദ്ഘാടനം ചെയ്തിരുന്നു .ആ ക്ലാസ്സ് മുറികളിലേക്ക് ആവശ്യമായ മുഴുവൻ ഫർണിച്ചറുകളും നൽകിയതും എൽദോസ് കുന്നപ്പിള്ളി എംഎൽഎയുടെ ഫണ്ടിൽ നിന്നായിരുന്നു. പുതിയ കെട്ടിടം കൂടി ലഭിച്ചതോടെ മികച്ച ഭൗതിക സൗകര്യമാണ് വളയൻചിറങ്ങര സ്കൂളിനു ലഭ്യമായിരിക്കുന്നത്.
