പെരുമ്പാവൂർ : ഏകാദശി നാളിൽ തോട്ടുവ ശ്രീധന്വന്തരി ക്ഷേത്രത്തിലെത്തിയ പെരുമ്പാവൂർ
എം. എൽ. എ. എൽദോസ് കുന്നപ്പിള്ളി പൂവമ്പഴം കൊണ്ട് ഭഗവാന് തുലാഭാരം നടത്തി.
രാവിലെ 9ന് ക്ഷേത്രത്തിലെത്തിയ അദ്ദേഹത്തെ ധന്വന്തരി സേവാട്രസ്റ്റ് ഭാരവാഹികളായ
കെ.വി. ജയന്തൻ നമ്പൂതിരി, കെ.ടി. സുഹ്രഹ്മണ്യൻ നമ്പൂതിരി, വി. സുബ്രഹ്മണ്യൻ നമ്പൂതിരി
തുടങ്ങിയവർ ചേർന്ന് സ്വീകരിച്ചു. 67 കിലോ പൂവമ്പഴം കൊണ്ടാണ് കുന്നപ്പിള്ളിയ്ക്ക് തുലാഭാരം
നടത്തിയത്. തിടമ്പേറ്റിനിന്ന തോട്ടുചാലിൽ ബോലാനാഥിന്റെ തുമ്പിക്കയ്യിൽ ശർക്കരയും പഴവും നൽകിയ അദ്ദേഹം ഏകാദശി കഞ്ഞിയും പുഴുക്കും കഴിച്ച് അൽപ്പനേരം ചേരാനല്ലൂർ ശങ്കരൻ കുട്ടി മാരാരുടെ പഞ്ചാരിമേളവും ആസ്വദിച്ചാണ് മടങ്ങിയത്.
ഫോട്ടോ അടിക്കുറിപ്പ്: ഏകാദശി നാളിൽ പെരുമ്പാവൂർ എം. എൽ. എ. എൽദോസ് കുന്നപ്പിള്ളി തോട്ടുവ ധന്വന്തരി ക്ഷേത്രത്തിൽ പൂവമ്പഴം കൊണ്ട് തുലാഭാരം നടത്തുന്നു.
