പെരുമ്പാവൂര്: നാലു കിലോ കഞ്ചാവുമായി ഇതര സംസ്ഥാന തൊഴിലാളി പെരുമ്പാവൂര് പോലീസിന്റെ പിടിയില്. ഓപ്പറേഷന് തൂഫാന്റെ ഭാഗമായി റൂറല് ജില്ലാ ഡാന്സാഫ് ടീമും പെരുമ്പാവൂര് പോലീസും ചേര്ന്ന് നടത്തിയ പരിശോധനയില് വെസ്റ്റ് ബംഗാള് മൂര്ഷിദാബാദ് സ്വദേശി ഇന്താജ് ഷെയ്ഖ് (36) ആണ് പിടിലായത്. പെരുമ്പാവൂര് തണ്ടേക്കാട് ഭാഗത്ത് വാടകയ്ക്ക് താമസിക്കുന്ന വീട്ടില് നിന്നാണ് പ്രതിയെ കഞ്ചാവുമായി കസ്റ്റഡിയിലെടുത്തത്. പ്രത്യേക പാക്കറ്റുകളിക്കി സൂക്ഷിച്ച നിലയിലാണ് കഞ്ചാവ് കണ്ടെത്തിയത്. മൂര്ഷിദാബാദില് നിന്നാണ് കഞ്ചാവ് കൊണ്ടുവന്നതെന്ന് പ്രതി പോലീസിനോട് പറഞ്ഞു. ജില്ലാ പോലീസ് മേധാവി കെ എസ് സുദര്ശന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. റൂറല് ജില്ലയില് ഈ വര്ഷം ഇതുവരെ പോലീസ് 380 കിലോയിലേറെ കഞ്ചാവാണ് പിടികൂടിയത്.
