പെരുമ്പാവൂർ: നിയോജക മണ്ഡലത്തിലെ ഒക്കൽ കൃഷി ഭവൻ ഇക്കൊല്ലം സ്മാർട്ട് കൃഷി ഭവനായി യാഥാർഥ്യമാക്കുമെന്ന് എൽദോസ് കുന്നപ്പിള്ളി എം എൽ എ. വിളകളുടെ ആരോഗ്യകേന്ദ്രമെന്നനിലയിൽ കൃഷി ഭവനുകൾ രൂപപ്പെടും. ഇക്കോ ഷോപ്, ബയോ ഫാർമസി, അടിസ്ഥാനസൗകര്യ വികസന ഉപദേശക ഇടങ്ങൾ, അഗ്രോ സർവീസ് സെന്റർ എന്നിവ ഭാഗമാകും. ഇ–-ഓഫീസാണ് വിഭാവനം ചെയ്യുന്നതെന്നും എൽദോസ് കുന്നപ്പിള്ളി എം എൽ എ. അറിയിച്ചു. സ്മാർട്ട് കൃഷിഭവനുകളിൽ കോൾ സെന്ററും ഉന്നതതല പരിശീലന സംവിധാനങ്ങളുമുണ്ടാകും. കർഷകരുടെ വരുമാനം വർധിപ്പിക്കാനാവശ്യമായ പദ്ധതി ഇവിടെ തയ്യാറാക്കും. നടീൽ വസ്തുക്കൾ ഉറപ്പാക്കും. കർഷകന് തിരിച്ചറിയൽ കാർഡും സ്മാർട്ട് കാർഡും ലഭ്യമാക്കും. ചേലമാറ്റം വില്ലേജിൽ ഒക്കൽ പഞ്ചായത്തിൽ സ്ഥിതി ചെയ്യുന്ന ഒക്കൽ കൃഷി ഭവന് പുതിയ കെട്ടിട സമൂച്ചയം കൂടി ആകുന്നതോടൊപ്പം കർഷകർക്കുള്ള സേവനങ്ങൾ കൂടുതൽ ആളുകളിൽ എത്തിക്കാൻ സാധിക്കുംമെന്ന് എൽദോസ് കുന്നപ്പിള്ളി എം എൽ എ.
