പൈമറ്റം: പൈമറ്റം യുപി സ്കൂളിന്റെ 89-ാംമത് വാർഷികാഘോഷവും രക്ഷാകർത്തൃ ദിനവും ആന്റണി ജോൺ എംഎൽഎ ഉദ്ഘാടനം ചെയ്തു. പല്ലാരിമംഗലം പഞ്ചായത്ത് പ്രസിഡന്റ് ഖദീജ മുഹമ്മദ് അദ്ധ്യക്ഷതവഹിച്ച ചടങ്ങിൽ വൈസ് പ്രസിഡന്റ് ഒ ഇ അബ്ബാസ് മുഖ്യപ്രഭാഷണം നടത്തി. സ്ഥിരംസമിതി അദ്ധ്യക്ഷ സഫിയ സലിം സ്വാഗതം പറഞ്ഞു. ഹെഡ്മാസ്റ്റർ പി വി സണ്ണി റിപ്പോർട്ട് അവതരിപ്പിച്ചു.
കോതമംഗലം എഇഒ കെ മനോശാന്തി, ബ്ലോക്ക്പഞ്ചായത്തംഗം നിസാമോൾ ഇസ്മയിൽ, പഞ്ചായത്തംഗങ്ങളായ സീനത്ത് മൈതീൻ, എ എ രമണൻ, ആഷിത അൻസാരി, സ്കൂൾ വികസനസമിതി കൺവീനർ കെ ബി മുഹമ്മദ്, കവളങ്ങാട് സർവ്വീസ് സഹകരണ ബാങ്ക് ബോർഡ്അംഗം വി എസ് നൗഫൽ, പിടിഎ പ്രസിഡന്റ് സജി സെബാസ്റ്റ്യൻ, എംപിടിഎ ചെയർപേഴ്സൺ സുനിത സച്ചിൻ, അങ്കണവാടി വർക്കർ റെജി വർഗ്ഗീസ്, സ്കൂൾ ലീഡർ കുമാരി അദീബ അൻസാർ എന്നിവർ സംസാരിച്ചു.
