കരനെല്ലിൽ ഡാവിഞ്ചി വിരിയിച്ച ടോവിനോ ചിത്രം.

• ഏബിൾ. സി. അലക്സ്‌

കോതമംഗലം : വല്ലഭനു പുല്ലും ആയുധം എന്ന് കേട്ടിട്ടില്ലേ.അക്ഷരാർത്ഥത്തിൽ അത്‌ ഡാവിഞ്ചി സുരേഷിനെ ഉദ്ദേശിച്ചായിരുന്നു. ഇത്തവണ കരനെല്ല് ഉപയോഗിച്ച് കൊണ്ടാണ് പ്രശസ്ത ചിത്രകാരൻ ഡാവിഞ്ചി സുരേഷ് ചിത്രരചനയുടെ വേറിട്ട അദ്ധ്യായം കുറിക്കുന്നത്. വ്യത്യസ്ത മീഡിയങ്ങളിൽ ചിത്രങ്ങളും ശില്പങ്ങളും രചിക്കുവാനുള്ള അന്വേഷണയാത്രയിൽ ഇത്തവണ അദ്ദേഹം ചെന്നെത്തിയത് കരയിൽ നെൽകൃഷി ചെയ്യുന്ന ഞാറിൽ ആണ്.

കഴിഞ്ഞ പ്രളയ കാലത്ത്, സേവന പ്രവർത്തനങ്ങൾകൊണ്ട് ജനഹൃദയങ്ങളിൽ കുടിയേറിയ പ്രശസ്ത സിനിമാ താരം ടോവിനോ തോമസ് ആണ് ഈ ചിത്രത്തിലെ താരം. ഒറ്റ ദിവസം കൊണ്ടാണ് ഡാവിഞ്ചി സുരേഷ് ഈ ടോവിനോ ചിത്രം മനോഹരമായി ഞാറിൽ തീർത്തത്.