കോതമംഗലം : എംബിറ്റ്‌സ് എഞ്ചിനീയറിങ്ങ് കോളേജിലെ എൻ എസ്‌ എസ്‌ യൂണിറ്റുകളുടെയും നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി വാറങ്കലിലെ പൂർവ വിദ്യാർത്ഥി സംഘടന,വിജയവാഡ – കേരള ചാപ്റ്ററുകളുടെയും നേതൃത്വത്തിൽ ഓക്സിജൻ കോൺസെൻട്രേറ്റർ,ഓക്സിജൻ സിലിണ്ടർ എന്നിവ വിതരണം ചെയ്തു. ധർമ്മഗിരി ആശുപത്രി അഡ്മിനിസ്ട്രേറ്റർ സിസ്റ്റർ അഭയയ്ക്ക് ആൻ്റണി ജോൺ എം എൽ എ ഓക്സിജൻ കോൺസെൻട്രേറ്റർ കൈമാറി.
കോതമംഗലം മണ്ഡലത്തിലെ മുഴുവൻ പഞ്ചായത്തുകൾക്കും ധർമ്മഗിരി ആശുപത്രിക്കും ആയി 15 ഓക്സിജൻ കോൺസെൻട്രേറ്റർ ആണ് വിതരണം ചെയ്യുന്നത്‌. മുൻസിപ്പൽ ചെയർമാൻ കെ കെ ടോമി,കോളേജ് പ്രിൻസിപ്പൽ ഡോക്ടർ പി സോജൻ ലാൽ,ധർമ്മഗിരി ആശുപത്രി സെക്രട്ടറി അഡ്വക്കേറ്റ് മാത്യു ജോസഫ്,എംബിറ്റ്‌സ് എൻ എസ്‌ എസ്‌ പ്രോഗ്രാം ഓഫീസർമാരായ ഷിജു രാമചന്ദ്രൻ എന്നിവർ ചടങ്ങിൽ പങ്കെടുത്തു.
എൻ ഐ ടി വാറങ്കൽ പൂർവ വിദ്യാർത്ഥി സംഘടന പ്രസിഡന്റ് അലപ്പട്ടി പ്രസാദ്,വൈസ് പ്രസിഡന്റ് ബിജു ഫിലിപ്പോസ്,സെക്രട്ടറി മുരളീകൃഷ്ണ എന്നിവരുടെ നേതൃത്വത്തിലാണ് സിലിണ്ടറുകൾ എത്തിച്ചു നൽകിയത്.
