Connect with us

Hi, what are you looking for?

NEWS

പുതിയ ഹൈറേഞ്ച് കവാടം: നിര്‍മ്മാണ പ്രവര്‍ത്തനങ്ങള്‍ക്ക് തുടക്കം കുറിച്ച് ഡീന്‍ കുര്യാക്കോസ് എം.പി

കോതമംഗലം: കൊച്ചി – ധനുഷ്‌കോടി എന്‍.എച്ച് 85 ല്‍ നേര്യമംഗലത്തെ പുതിയ പാലത്തിന്റ നിര്‍മ്മാണ പ്രവര്‍ത്തനങ്ങള്‍ ആരംഭിച്ചു. ഡീന്‍ കുര്യാക്കോസ് എം.പി നിര്‍മ്മാണ പ്രവര്‍ത്തനങ്ങള്‍ക്ക് തുടക്കം കുറിച്ചു. നേര്യമംഗലത്തു നിന്നും പാലത്തിന്റെ തുടക്ക ഭാഗത്ത്, മറ്റ് ഔപചാരിക ചടങ്ങുകള്‍ ഇല്ലാതെ നിര്‍മ്മാണ പ്രവര്‍ത്തനങ്ങള്‍ക്ക് ആരംഭം കുറിക്കുകയായിരുന്നു. കഴിഞ്ഞ മാസത്തില്‍ ആരംഭിച്ച് കൊച്ചി മുതല്‍ മൂന്നാര്‍ വരെ പാതയുടെ നിര്‍മ്മാണപ്രവര്‍ത്തനങ്ങള്‍ നടന്നുകൊണ്ടിരിക്കുകയാണ്. ഈ പ്രവര്‍ത്തിയില്‍ ഉള്‍പ്പെടുന്നതാണ് നേര്യമംഗലം പാലം.

പാലത്തിന്റെ ഇരു കരകളിലും സ്ഥലം ഏറ്റെടുപ്പ് നടപടികള്‍ പുരോഗമിക്കുകയാണ്. നേര്യമംഗലം ഭാഗത്ത് ലാന്റ് അക്വിസിഷനായി 3ഡി വിജ്ഞാപനം പുറപ്പെടുവിച്ചു. തുടര്‍ന്ന് നഷ്ടപരിഹാര വിതരണം പൂര്‍ത്തിയാക്കും. പട്ടയമില്ലാത്ത ആളുകളുടെ പുനരധിവാസം സംബന്ധിച്ച് ജില്ലാ കളക്ടര്‍ക്ക് സര്‍ക്കാര്‍ ഇടപെടല്‍ ആവശ്യപ്പെട്ട് കത്ത് നല്‍കിയിട്ടുണ്ട്.1924-ല്‍ തിരുവിതാംകൂര്‍ ഭരണാധികാരി സേതു ലക്ഷ്മി ബായിയുടെ കാലത്ത് നിര്‍മ്മാണം ആരംഭിച്ച്, 1935 മാര്‍ച്ച് 2-ന് ശ്രീചിത്തിര തിരുനാള്‍ ബാലരാമവര്‍മ്മയുടെ കാലത്ത് പൊതുജനങ്ങള്‍ക്കായി തുറന്നുകൊടുത്ത്, ഏറെ ചരിത്ര പ്രധാനമായ പഴയ പാലം നിലനിര്‍ത്തിയാണ് സമീപത്ത് പുതിയ പാലം നിര്‍മ്മിക്കുന്നത്.

214 മീറ്റര്‍ നീളവും ഇരുവശവും 1.5 മീറ്റര്‍ നടപ്പാത ഉള്‍പ്പെടെ 11.5 മീറ്റര്‍ വീതിയില്‍, 42.8 മീറ്റര്‍ നീളമുള്ള 5 സ്പാനായാണ് പുതിയ പാലം നിര്‍മ്മിക്കുന്നത്. ആകെ പൈലിന്റെ എണ്ണം 60 ആണ്. കൊച്ചി മുതല്‍ മൂന്നാര്‍ വരെയുള്ള നിര്‍മ്മാണ പ്രവര്‍ത്തനങ്ങള്‍ക്കായി 1250 കോടി രൂപയുടെ അനുമതിയാണ് കേന്ദ്ര ഉപരിതല ഗതാഗത മന്ത്രാലയത്തില്‍ നിന്നും ലഭിച്ചിരിക്കുന്നത്. ചടങ്ങില്‍ കവളങ്ങാട് ഗ്രാമപഞ്ചായത്ത് പ്രസിഡന്റ് സിബി മാത്യു, മുന്‍ പഞ്ചായത്ത് പ്രസിഡണ്ട് സൈജന്റ് ചാക്കോ,ജിന്‍സിയ ബിജു, സൗമ്യ ശശി, ബാബു ഏലിയാസ്, ജൈമോന്‍ ജോസ്, അഡ്വ.പിഎസ്എ കബീര്‍, പിആര്‍ രവി, ജോസ് സവിത എന്നിവര്‍ സന്നിഹിതരായിരുന്നു.

You May Also Like

NEWS

കോതമംഗലം : നെല്ലിക്കുഴി രണ്ടുമാസം മുൻപ് ചിറയിൻകീഴിൽ ഉണ്ടായ വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ UC കോളേജ് MBA വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത്...

NEWS

കോട്ടപ്പടി : കോട്ടപ്പടി പ്ലാച്ചേരിയിൽ കിണറിൽ വീണ കാട്ടാനയെ തുറന്നുവിടുന്നത് സംബന്ധിച്ച് പഞ്ചായത്ത് സമിതി അംഗങ്ങളുമായി ചർച്ച നടത്തിയാണ് തീരുമാനമെടുത്തത് എന്ന മലയാറ്റൂർ ഡി എഫ് ഒ യുടെ വാദം ശുദ്ധ നുണയെന്ന്...

NEWS

കോട്ടപ്പടി: കോട്ടപ്പടിയിൽ ജനവാസ മേഖലയിലെ കിണറ്റിൽ വീണ ആനയെ കയറ്റിവിട്ടതുമായി ബന്ധപ്പെട്ട് ജനപ്രതിനിധികളും, ആർ ഡി ഒ അടക്കമുള്ള സർക്കാർ ഉദ്യോഗസ്ഥന്മാരും കാണിച്ച കൊടിയ വഞ്ചനക്കെതിരെ കിഫ എറണാകുളം ജില്ലാ കമ്മിറ്റി ശക്തമായ പ്രതിഷേധം...

NEWS

പെരുമ്പാവൂർ : കോട്ടപ്പടിയിൽ കിണറ്റിൽ വീണ ആന ജനങ്ങൾക്ക് ഭീഷണിയായി സമീപപ്രദേശത്ത് തന്നെ തുടരുന്ന അവസ്ഥ സംജാതമായത് ഗുരുതരമായ വീഴ്ചയെന്ന് എൽദോസ് കുന്നപ്പള്ളി എംഎൽഎ കുറ്റപ്പെടുത്തി .ജനപ്രതിനിധികളുടെ സാന്നിധ്യത്തിൽ ആനയെ മയക്കു വെടി...