കോതമംഗലം: നെല്ലിമറ്റം എംബിറ്റ്സ് എഞ്ചിനീറിംഗ് കോളേജിലെ എൻ എസ് എസ് യൂണിറ്റിന്റെ നേതൃത്വത്തിൽ സ്റ്റെം സെൽ ഡൊണേഷൻ എന്ന വിഷയത്തിൽ ബോധവൽക്കരണ ക്ലാസ്സും രെജിസ്ട്രേഷൻ ക്യാമ്പും സംഘടിപ്പിച്ചു. കേരള സാങ്കേതിക സർവകലാശാല എൻ എസ് എസ് യൂണിറ്റിന്റെ കീഴിലെ കെടിയു കെയർ, ഡി കെ എം എസ് -ബി എം എസ് ടി ഇന്ത്യ എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്. കോളേജ് പ്രിൻസിപ്പൽ ഡോ. പി സോജൻ ലാൽ ബോധവൽക്കരണ പരിപാടിയുടെ ഉത്ഘാടനം നിർവഹിച്ചു.
കെടിയു കെയർ സംസ്ഥാനത്താകമാനം സംഘടിപ്പിച്ചിട്ടുള്ള സ്റ്റെം സെൽ ബോധവൽക്കരണ- രെജിസ്ട്രേഷൻ പരിപാടികളുടെ ഭാഗമായിട്ടാണ് എംബിറ്റ്സ് ക്യാമ്പ് സംഘടിപ്പിച്ചത്.
ഡി കെ എം എസ്- ബിഎംഎസ്ടി ഇന്ത്യ ഡെപ്യൂട്ടി മാനേജർ ചിന്മ മധുസൂദനൻ, അസ്സോസിയേറ്റ് മാനേജർ അഖില സുരേഷ് എന്നിവർ ക്ലാസ്സുകൾ നയിച്ചു. കോളേജിലെ ഇരുന്നൂറ്റി അമ്പതോളം വിദ്യാർത്ഥികൾ സ്റ്റെം സെൽ രെജിസ്ട്രേഷൻ സമ്മതപത്രം നൽകി. കെ ടി യു കെയർ സംസ്ഥാന കോർഡിനേറ്ററും എംബിറ്റ്സ് എൻ എസ് എസ് പ്രോഗ്രാം ഓഫീസറുമായ ഷിജു രാമചന്ദ്രൻ, പ്രോഗ്രാം ഓഫീസർ ബേസിൽ എൽദോസ് വോളന്റീയർ സെക്രട്ടറി അഭിജിത് കെ സന്തോഷ് എന്നിവർ സംസാരിച്ചു.
