കോതമംഗലം: നെല്ലിമറ്റം എംബിറ്റ്സ് എഞ്ചിനീയറിംഗ് കോളേജിൽ മാത്സ്-സയൻസ് ക്ലബ് പ്രവർത്തനം ആരംഭിച്ചു. കോളേജ് സെക്രട്ടറി ബിനു കൈപ്പിള്ളിൽ ഉത്ഘാടനം നിർവഹിച്ചു. ഉത്ഘടനത്തോട് അനുബന്ധിച് ശ്രീനിവാസ രാമാനുജൻ ഒരു ഉൾക്കാഴ്ച എന്ന വിഷയത്തിൽ സെമിനാറും സംഘടിപ്പിച്ചു. കോളേജ് റിസർച്ച് ഡീനും കേരള മാത്തമാറ്റിക്സ് അസോസിയേഷൻ അക്കാഡമിക് സെക്രട്ടറിയുമായ ഡോ. സണ്ണി കുര്യാക്കോസ് ക്ലാസ് നയിച്ചു.
കോളേജ് പ്രിൻസിപ്പൽ ഇൻ ചാർജ് പ്രഫ. ജോണി ജോസഫ് അധ്യക്ഷത വഹിച്ച യോഗത്തിൽ കോളജ് ട്രെഷറർ റോയി പഴുക്കാളിൽ, സയൻസ് ആൻഡ് ഹ്യുമാനിറ്റീസ് വിഭാഗം മേധാവി പ്രഫ. സിജു ജേക്കബ് എന്നിവർ ആശംസകൾ അർപ്പിച്ചു. പ്രഫ. നീനു അന്ന മാത്യു സ്വാഗതവും അഖിൽ സിബി നന്ദിയും പറഞ്ഞു.
