നെല്ലിക്കുഴി ; കുറ്റിലഞ്ഞി ഗവണ്‍മെന്‍റ് യു.പി സ്ക്കൂളിലെ 5 ാം ക്ലാസ് വിദ്യാര്‍ത്ഥികളുടെ ഫുഡ്ബോള്‍ ടീം കുറ്റിലഞ്ഞി ബ്ലാസ്റ്റേഴ്സിന് ബ്ലോക്ക് പഞ്ചായത്ത് പ്രസിഡന്റ് റഷീദ സലീം ജെഴ്സിയും ബോളും സമ്മാനിച്ചു. വിദ്യാര്‍ത്ഥികളുടെ കായിക വിനോദങ്ങള്‍ക്ക് പ്രോല്‍സാഹനം എന്നനിലയിലാണ് ഇത്തരം ഒരു എളിയ കാര്യം ചെയ്തത്. മറ്റുളളവരും ഇത് മാതൃകയാക്കുകയും നാളെയുടെ വാഗ്ദാനങ്ങളായ കുട്ടികളെ പ്രോല്‍സാഹിപ്പിക്കേണ്ടത് നമ്മുടെയും കാലഘട്ടത്തിന്‍റെ ആവശ്യകതയാണന്ന് അവര്‍ പറഞ്ഞു.
ചടങ്ങില്‍ പ്രധാന അധ്യാപിക സൈനബ എ.കെ.പി.ടി.എ പ്രസിഡന്റ് അബുവട്ടപ്പാറ, ക്ലാസ് ടീച്ചര്‍ അബൂബക്കര്‍ പി.കെ.സീനിയര്‍ അധ്യാപകന്‍ അബൂബക്കര്‍ റ്റി.എ , ബൈജു രാമകൃഷ്ണന്‍ തുടങ്ങിയവര്‍ പങ്കെടുത്തു.
You must be logged in to post a comment Login