മുവാറ്റുപുഴ : നിസ്കാരപള്ളിയിൽ പ്രാർഥനക്ക് എന്ന വ്യാജന എത്തി ബാറ്ററി മോഷ്ടിച്ചയാള് പിടിയില്. ഈരാറ്റുപേട്ട അരുവിത്തറ കരോട്ട് പറമ്പിൽ വീട്ടിൽ മാഹിനെയാണ് (24) മുവാറ്റുപുഴ പോലീസ് പിടികൂടിയത്. സൗത്ത് പായിപ്ര ബദറുൽ ഖുദ ജുമാമസ്ജിദിൽ നിന്ന് ഇക്കഴിഞ്ഞ ജനുവരി 29 ന് ഉച്ചക്ക് നിസ്കാരസമയത്ത് പ്രാർഥനക്കായി എന്ന വ്യാജന ഓട്ടോയിൽ എത്തി പള്ളിയിൽ നിന്ന് ബാറ്ററി മോഷ്ടിക്കുകയായിരുന്നു. പോത്താനിക്കാട് സ്റ്റേഷൻ പരിധിയിൽ ഇയാള് സമാനരീതിയിൽ പള്ളിയിൽ നിന്ന് ബാറ്ററി മോഷ്ടിച്ചിട്ടുണ്ട്.
പാലാ, ഈരാറ്റുപേട്ട, മേലുകാവ് എന്നിവിടങ്ങളിൽ ഇയാള്ക്കെതിരെ കേസുകളുണ്ട്. അന്വേഷണസംഘത്തിൽ ഇൻസ്പെക്ടർ സി.ജെ.മാർട്ടിന് എസ്ഐ എൽദോസ് കുര്യാക്കോസ്, എ.എസ്.ഐ ബിനോജ് ഗോപാലകൃഷ്ണൻ, സി.പി.ഓ.മാരായ അജീഫ് പി ഹമീദ്, ജിസ്മോൻ, സനൽ വി കുമാർ എന്നിവർ ഉണ്ടായിരുന്നു.
