കോതമംഗലം: ദേശീയപാതയില് നെല്ലിമറ്റത്തിന് സമീപം കെഎസ്ആര്ടിസി ബസ് നിയന്ത്രണം നഷ്ടപ്പെട്ട് വൈദ്യുത പോസ്റ്റിലിടിച്ച് അപകടം. ഇടിയുടെ ആഘാതത്തില് ഒടിഞ്ഞ പോസ്റ്റ് ബസ്സിന് മുകളിലേക്ക് പതിച്ചു. നെല്ലിമറ്റം കുത്തുകുഴി പള്ളിത്താഴത്ത് തിങ്കളാഴ്ച രാവിലെ 10.30 ഓടെയാണ് അപകടം. കട്ടപ്പന ഡിപ്പോയില് നിന്നും എറണാകുളത്തേക്ക് പോവുകയായിരുന്ന ബസ്സാണ് അപകടത്തില്പ്പെട്ടത്.
അപകടം നടന്നയുടന് തന്നെ ഊന്നുകല് പോലീസും കെഎസ്ഇബി ജീവനക്കാരും സ്ഥലത്തെത്തി. തുടര്ന്ന് നാട്ടുകാരുടെ സഹായത്തോടെ ജെസിബി ഉപയോഗിച്ച് ബസ്സിന് മുകളില് പതിച്ച ഇലക്ട്രിക് പോസ്റ്റ് ഉയര്ത്തി മാറ്റുകയും, ബസ് റോഡില് നിന്ന് നീക്കം ചെയ്ത് ഗതാഗതം പുനഃസ്ഥാപിക്കുകയും ചെയ്തു.
ദേശീയപാതയിലെ ഈ ഭാഗത്തെ അശാസ്ത്രീയമായ റോഡ് നിര്മ്മാണമാണ് അപകടത്തിന് കാരണമാകുന്നതെന്ന് നാട്ടുകാര് ആരോപിച്ചു.
